بايقوڭىر قالاسىنا كىرىپ-شىعۋ ءتارتىبى ءبىرىنشى جەلتوقساننان باستاپ جەڭىلدەيدى.
قازاقستان ازاماتتارى ءۇشىن وسىنداي وڭتايلى شەشىم قابىلداندى، دەپ حابارلايدى Almaty-akshamy.kz.
ماسەلەن ءقازىر بايقوڭىرعا سىرتتان كەلەتىن ادام 10 كۇن بۇرىن قالا اكىمشىلىگىنە ءوتىنىم جىبەرۋى كەرەك. ويتكەنى ءاربىر ازامات شاھاردىڭ كىرەبەرىس باقىلاۋ بەكەتىنەن ءجىتى تەكسەرىلىپ، رۇقسات قۇجاتى بولسا عانا وتەدى. بۇل سوزبالاڭعا سالعان پروسەسس قالاعا كەلۋشىلەرگە قيىندىق تۋعىزىپ وتىر. دەگەنمەن قازاقستان مەن رەسەيدىڭ ۇكىمەتارالىق كوميسسياسىندا وسى ماسەلە قارالىپ، كوپتىڭ تالاپ-تىلەگى ەسكەرىلدى. ايتا كەتەيىك، بۇگىندە بايقوڭىر قالاسىندا 75 مىڭعا جۋىق تۇرعىن بار. ونىڭ ۇشتەن ەكىسى قازاقستاندىق ازاماتتار.
«كەلىسىمگە وزگەرىس ەنگىزۋ بويىنشا ۇسىنىس ەنگىزىلدى. پيلوتتىق رەجيمدە 1-جەلتوقساننان باستاپ ءبىر ادام وتىرادى. كىرەبەرىستە وتىرىپ، قازاقستان ازاماتتارىنا بىردەن سول جەردە رۇقساتناما جازىپ بەرۋ تۋرالى شەشىم قابىلداندى»، - دەيدى ق ر پرەزيدەنتىنىڭ بايقوڭىر كەشەنىندەگى ارناۋلى وكىلى قايرات نۇرتاي.