بايدەننىڭ ءيتى اقش بارلاۋ وفيسەرلەرىن قاۋىپ الدى.
اقش پرەزيدەنتى دجو بايدەننىڭ سۇيىكتى ءۇي جانۋارى امەريكا قۇراما شتاتتارى قۇپيا قىزمەتىنىڭ بىرنەشە قىزمەتكەرىن تىستەپ الدى، بىرەۋى اۋرۋحاناعا جەتكىزىلدى، دەپ حابارلايدى Almaty-akshamy.kz.
Astana.tv ارناسىنىڭ حابارلاۋىنشا، كومماندەر دەگەن لاقاپ اتى بار ساققۇلاق بۇعان دەيىن دە اگرەسسيۆتى مىنەز-قۇلىق كورسەتىپ، بىرنەشە قىزمەتكەردى قاۋىپ العان ەدى. ولاردىڭ ءبىرى اق ۇيدە جۇمىس ىستەيتىن دارىگەر بولاتىن. 2022 جىلى 3 قاراشادا يت دارىگەردىڭ قولى مەن جامباسىن تىستەپ، زاقىم كەلتىردى. ازامات اۋرۋحاناعا جەتكىزىلدى.
2021 جىلى تامىز ايىندا پرەزيدەنتتىڭ مەيدجور لاقاپ اتى بار ءيتى قايتا قولعا ۇيرەتۋگە جىبەرىلگەن بولاتىن. سەبەبى ول ءۇي جانۋارى دا قىزمەتكەرلەرگە شابۋىلداعان. اق ءۇيدىڭ باسپا ءسوز حاتشىسى كارين جان-پەردىڭ سوزىنشە، يتكە اق ۇيگە بەيىمدەلۋ قيىنعا سوققان. سترەستىك جاعدايعا تۇسكەن جانۋار اگرەسسيۆتى ارەكەتكە بارعان.