الماتىدا سالەمدەمەدەن ەسىرتكى تابىلدى

الماتىداعى تەرگەۋ يزولياتورىنىڭ سالەمدەمەلەردى قابىلداۋ ءبولىمىنىڭ باقىلاۋشىلارى كۇنىنە جۇزدەگەن سالەمدەمەنى تەكسەرەدى.

ولاردىڭ اراسىندا ءتۇرلى ايلا-تاسىلدەردى قولدانىپ، نەبىر تىيىم سالىنعان زاتتاردى وتكىزبەكشى بولعاندار ۇستالىپ، جازاعا تارتىلىپ تا جاتادى، دەپ حابارلايدى Almaty-akshamy.kz.

Poolisia.kz اقپاراتىنا ساي، قابىلداۋ بولمەسىندە تەرگەۋ تۇتقىنىنداعىلار مەن سوتتالعاندارعا بەرۋگە بولمايتىن زاتتاردىڭ ءتىزىمى مەن قاساقانا وتكىزۋ ارەكەتتەرىنە قولدانىلاتىن جازا جايلى دا انىق جازىلىپ، كورنەكى جەرگە ىلىنگەن. سوعان قاراماستان، تەرگەۋ تۇتقىنىنداعى جاقىندارىنا تىيىم سالىنعان زاتتاردى وتكىزۋگە تىرىساتىندار كوپ. مىسالى، №72 مەكەمەسىندە سوت ۇكىمىن كۇتىپ جاتقان تانىسىنا شوكولودتىڭ اراسىنا تىعىپ، ەسىرتكى وتكىزبەكشى بولعان ا. ەسىمدى ازامات ۇستالدى.

كوزدىڭ جاۋىن الاتىن جىلتىر قاعازداعى ءتاتتىنى اشىپ تەكسەرگەن باقىلاۋشى ءيسى وتكىر ۇنتاقتى انىقتادى. اتالعان فاكت بويىنشا الماتى قالاسى پد تۇركسىب اۋداندىق پوليسيا باسقارماسىنان جەدەل تەرگەۋ توبى شاقىرىلىپ، ارنايى ساراپتاما تاعايىندالدى.