2022 جىلى قازاقستان بويىنشا 5 683 رۇقسات ەتىلمەگەن قوقىس وبەكتىلەرى انىقتالدى.
ورتالىق كوممۋنيكاسيالار قىزمەتىندە وتكەن بريفينگىدە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى اەروعارىش كوميتەتىنىڭ ءتوراعاسى باۋبەك ورالماعامبەتوۆ ەلىمىزدە زاڭسىز قوقىس ەڭ كوپ توگىلەتىن 3 ءىرى قالانى اتادى، دەپ حابارلايدى Almaty-akshamy.kz.
«قاتتى تۇرمىستىق قالدىقتاردىڭ عارىشتىق مونيتورينگى 2018 جىلدان بەرى جۇرگىزىلىپ كەلەدى. مونيتورينگ 39 ءىرى ەلدى-مەكەن اۋماعىندا جۇرگىزىلدى. وسى ۋاقىت ارالىعىندا 25 ملن گەكتار قامتىلدى. وبلىستار اراسىندا ۇيىندىلەردىڭ ەڭ كوپ سانى اقمولا وبلىسىندا - 830، قاراعاندى وبلىسىندا - 745، تۇركىستان وبلىسىندا – 408. قالالاردىڭ اراسىندا ەڭ كوپ قوقىس ورىندارى ءۇش قالادا انىقتالدى. ماسەلەن، استانادا - 551، شىمكەنت قالاسىندا – 45 جانە الماتىدا – 12»، - دەپ ءمالىم ەتتى باۋبەك ورالماعامبەتوۆ.