قازاقستاندىق سۇلۋ بوكسشى بالاۋسا مۇزديمان Instagram جەلىسىندەگى تانىمال «العا-پەتەربۋرگ» بلوگىنىڭ جاڭا كەيىپكەرى اتاندى، دەپ حابارلايدى اlmaty-akshamy.kz.
ۆيدەو اۆتورى سپورتشىنىڭ حيرۋرگ بولۋدى ارمانداعىنىن، ءبىراق باسقا باعىتتى تاڭداپ، اتاق-داڭققا يە بولعانىن ايتتى.
«بۇگىنگى كۇننىڭ قاھارمانى – بالاۋسا مۇزديمان. اۋىلدان شىققان بوكسشى نەبارى ءبىر جىلدىڭ ىشىندە قازاقستانداعى ەڭ تانىمال سپورتشىلاردىڭ بىرىنە اينالدى! بالاۋسا اقشي اۋىلىنىڭ تۋماسى. بالا كەزىندە ۇلدارمەن دە جەكپە-جەككە شىعىپ توبەلە بەرگەن سوڭ اكەسى ونى بويىنداعى ارتىق ەنەرگيانى شىعارۋ ماقساتىندا بوكس سەكسياسىنا جىبەرەدى. بالاۋسا مۇزديماننىڭ وتە بەيمازا مىنەزىنە قاراماستان مەكتەپتى التىن مەدالمەن بىتىرگەنى تاڭ قالدىرادى!
بىلىكتى حيرۋرگ بولۋدى ارمانداعان ونى تاعدىرى بوكسقا الىپ كەلىپ تىرەدى. ول قازاقستان قۇراماسىنا ۇمىتكەرلەردىڭ قاتارىندا، 2024 جىلى وتەتىن وليمپيادا ويىندارىنا قاتىسۋدى ارماندايدى. ول كاسىپقويلار اراسىندا ءابسوليۋتتى الەم چەمپيونى بولعىسى كەلەدى.
جالپى، ينستاگرامدى سۇلۋلىعىمەن جاۋلاپ الىپ، رينگتەگى قارسىلاستارىنا ەش مۇمكىندىك قالدىرمايتىن عاجايىپ قىز! ەڭ باستىسى، ول تۋعان جەرى اقشيدىڭ داڭقىن الەمگە پاش ەتەدى!»، - دەپ جازدى «العا پەتەربۋرگ».