كوركەم گيمناستيكادان حالىقارالىق دارەجەدەگى تورەشى الۋا بەكتۇروۆا پاريجدە وتەتىن XXXIII جازعى وليمپيادا ويىندارىنا شاقىرتۋ الدى، دەپ حابارلايدى اlmaty-akshamy.kz.
ق ر ۇلتتىق وليمپيادالىق كوميتەتىنىڭ باسپا ءسوز قىزمەتى ءمالىم ەتكەندەي، حالىقارالىق كوركەم گيمناستيكا فەدەراسياسى 2024 جىلعى پاريج وليمپياداسىندا تورەلىك ەتەتىن قازىلار ءتىزىمىن جاريالادى. ولاردىڭ قاتارىندا قازاقستاندىق الۋا بەكتۇروۆا دا بار.
ايتا كەتەيىك، الۋا بۇعان دەيىن يسپانيادا وتكەن الەم بىرىنشىلىگىندە تورەلىك ەتكەن بولاتىن. حالىقارالىق فەدەراسيا ونىڭ جۇمىسىن جوعارى باعالاپ، تەحنيكالىق كوميتەت ارنايى العىس حاتپەن ماراپاتتاعان.
ەستەرىڭىزگە سالا كەتەيىك، XXXIII جازعى وليمپيادا ويىندارى 2024 جىلى پاريجدە 26 شىلدە مەن 11 تامىز ارالىعىندا وتەدى. جازعى ويىندار بۇعان دەيىن فرانسيادا ەكى مارتە ۇيىمداستىرىلعان بولاتىن. الەمدىك دارەجەدەگى سپورت سايىسىنىڭ جالاۋى پاريجدە 1900 جانە 1920 جىلى جەلبىرەگەن ەدى.