ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز حاتشىسى البينا اتەن ءسدياوم بۇرىنعى ءمينيسترى باعدات ءمۋسيندى قىزمەتتەن بوساتۋ تۋرالى قاۋەسەتتەرگە تۇسىنىكتەمە بەردى، دەپ حابارلايدى اlmaty-akshamy.kz.
"ءقازىر الەۋمەتتىك جەلىلەردە بەلسەندى تالقىلانىپ جاتقان كەيبىر پايىمداۋلارعا تۇسىنىكتەمە بەرگىم كەلەدى. سوڭعى كۇندەرى ب ا ق پەن الەۋمەتتىك جەلى قولدانۋشىلارى مينيستر باعدات ءمۋسيننىڭ قىزمەتتەن كەتۋىن ءارتۇرلى پايىمدارمەن تالقىلاپ جاتقانىن بايقادىم"، - دەپ جازدى البينا اتەن Facebook-تە.
ونىڭ ايتۋىنشا، ءمينيستردىڭ وتستاۆكاعا كەتۋى ونىڭ ءوز قالاۋىنا بايلانىستى بولدى.
"ول بۇل تۋرالى ءوزىنىڭ رەسمي پاراقشالارىندا جازدى. سوندىقتان سىزدەردى جالعان اقپارات تاراتپاۋعا جانە تەك رەسمي دەرەككوزدەرگە سەنۋگە شاقىرعىم كەلەدى"، - دەلىنگەن حابارلامادا.
بۇعان دەيىن قازاقستان پرەزيدەنتى قاسىم-جومارت توقايەۆ ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيندى ءۇش اي بۇرىن – 2024 جىلعى 6 اقپاندا قايتا تاعايىندالعان قىزمەتتەن بوساتقانى تۋرالى حابارلانعان بولاتىن.