بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ە.ورازالين ايتتى.
نان باعاسىن ۇستاپ تۇرۋ ماقساتىندا «ازىق-تۇلىك كەلىسىم شارت كورپوراسياسى» ۇق» اق قورىنان قالانىڭ ۇن تارتۋ كاسىپورىندارىنا سۋبسيديالانعان استىقتى جەتكىزۋ جالعاسۋدا. الەۋمەتتىك ناننىڭ ساتۋ باعاسىن بەلگىلەۋ ءۇشىن، «ءالماتىدان» جشس-نە 150 ملن تەڭگە مولشەرىندە اينالىم زاەمىن ءبولۋ جوسپارلانۋدا، دەپ حابارلايدى Almaty-akshamy.kz
"جالپى، ءامات باعاسىنىڭ ءوسۋىن تۇراقتاندىرۋ ءۇشىن «تويمارت» (515،5 ملن تەڭگە) جانە «ماگنۋم» (5،8 ملرد تەڭگە) ساۋدا جەلىلەرىمەن قارىز الۋ شارتتارى ۇزارتىلدى. قوسىمشا، 2 ملرد.تەڭگە ءامات-تى بەلگىلەنگەن باعامەن ساتۋ ءۇشىن «Small» جەلىسىندە، سونداي-اق جۇمىرتقانى تومەندەتىلگەن باعامەن ساتۋ ءۇشىن «كوگەر» جشس-نە 1 ملرد تەڭگە سالىناتىن بولادى"،- دەيدى الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ە.ورازالين.
باعانىڭ نەگىزسىز وسۋىنە جول بەرمەۋ ماقساتىندا ۆ، س كلاستى دۇكەندەرىندەگى باعالارعا مونيتورينگ جۇرگىزىلەدى جانە ءىرى ديستريبيۋتەرلەر مەن وندىرۋشىلەردەن تىكەلەي كوتەرمە باعالار بويىنشا باكالەيا ونىمدەرىن تىكەلەي جەتكىزۋ ۇيىمداستىرىلعان. سونىمەن، «ءۇي جانىنداعى» 1 مىڭنان استام دۇكەن جەتكىزىلىممەن قامتىلعان، وندا 8 ءامات اتاۋى بويىنشا (جۇمىرتقا، قانت، كۇرىش، ۇن، كۇنباعىس مايى، قاراقۇمىق، روجكي، تۇز) شامامەن 1،5 مىڭ توننا ءونىم تيەلگەن.
باعانىڭ نەگىزسىز وسۋىنە جول بەرمەۋ ءۇشىن «الماتى قالاسى بويىنشا باسەكەلەستىكتى قورعاۋ جانە دامىتۋ دەپارتامەنتىمەن» بىرلەسىپ ءامات-قا ساۋدا ۇستەمەسىنىڭ 15% ساقتالۋىن باقىلاۋ بويىنشا جۇمىس جۇرگىزىلۋدە.
جالپى، جىل باسىنان بەرى الماتىدا ءامات باعا يندەكسى ورتاشا رەسپۋبليكالىق دەڭگەيدە (الماتى – 114،2%، ق ر – 114،1%). قورىتىندىلاي كەلە، الماتىدا باعانى ۇستاپ تۇرۋ ءۇشىن كەشەندى جۇمىس جۇرگىزىلىپ، بارلىق قاجەتتى شارالار قابىلدانعانىن اتاپ وتكىم كەلەدى.