الماتىداعى ىسكەرلىك بەلسەندىلىك قالپىنا كەلە باستادى

ءبىرىنشى توقساننىڭ قورىتىندىسى بويىنشا 19،8%-عا وسكەن.

الماتى قالاسىندا ەكونوميكالىق ءوسۋ قارقىنى مەن ىسكەرلىك بەلسەندىلىكتىڭ قالپىنا كەلە باستاۋى بايقالادى. بۇل تۋرالى قالالىق كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين بريفينگتە ايتتى، دەپ حابارلايدى اlmaty-akshamy.kz.

ءبىرىنشى توقساننىڭ قورىتىندىسى بويىنشا، الماتى قالاسىندا ەكونوميكالىق ءوسۋ قارقىنى مەن ىسكەرلىك بەلسەندىلىكتىڭ قالپىنا كەلە باستاۋى بايقالادى. ماسەلەن، اعىمداعى جىلدىڭ ءۇش ايىندا قالا 19،8%-عا وسۋگە قول جەتكىزە وتىرىپ، 248 ملرد تەڭگەدەن استام ينۆەستيسيا تارتىلدى (ق ر – 2 263،1 ملرد تەڭگە نەمەسە 101،5%). 

ينۆەستيسيانىڭ ەداۋىر كولەمى جىلجىمايتىن مۇلىك (131،4 ملرد تەڭگە)، كولىك جانە قويمالاۋ (27،2 ملرد تەڭگە)، ونەركاسىپ (20،4 ملرد تەڭگە)، قارجى جانە ساقتاندىرۋ قىزمەتى (14،8 ملرد تەڭگە) سالالارىندا تارتىلدى. 

ونەركاسىپ ءونىمىن ءوندىرۋ كولەمى دامۋدىڭ وڭ سەرپىنىن كورسەتۋدە. ءبىرىنشى توقساندا الماتىدا 387،8 ملرد. تەڭگەنىڭ ءونىمى ءوندىرىلىپ، 11،5%-عا ارتتى. وڭدەۋ ونەركاسىبىنىڭ 18%-عا ءوسۋىن ەرەكشە اتاپ وتكىم كەلەدى، بۇل، ەڭ الدىمەن، ماشينا جاساۋدىڭ بەلسەندى دامۋىنىڭ 1،7 ەسە وسۋىنە بايلانىستى. 

تاماق ونىمدەرى وندىرىسىندە 1،6%-عا (63،5 ملرد تەڭگە، ۇلەسى – 20،4%)؛ وزگە دە مەتالل ەمەس مينەرالدىق ونىمدەر وندىرىسىندە 41،1%-عا(13،9 ملرد تەڭگە، ۇلەسى - 4،5%)؛ سۋسىندار وندىرىسىندە 10،5%-عا (15،6 ملرد تەڭگە، ۇلەسى - 5%)؛ جەڭىل ونەركاسىپتە 2،9 ەسەگە (3،8 ملرد، ۇلەسى - 1،2%)؛ نەگىزگى فارماسيەۆتيكالىق ونىمدەر مەن فارماسيەۆتيكالىق پرەپاراتتار  5،4%-عا (5،8 ملرد تەڭگە، ۇلەسى - 1،9%)؛ حيميا ونەركاسىبى ونىمدەرىن ءوندىرۋ 26%-عا (3،2 ملرد. تەڭگە، ۇلەسى - 1%).