الماتىداعى "باعاناشىل" بالالار ۇيىندە پرەزيدەنت اكىمشىلىگىنىڭ كوميسسياسى تەرگەۋ جۇرگىزە باستادى، - دەپ حابارلايدى aqshamnews.kz ءتىلشىسى.
كوميسسيا مۇشەلەرى تاربيەلەنۋشىلەر، مەكەمە باسشىلىعى جانە قىزمەتكەرلەرى، سونداي-اق ءبىلىم بەرۋ جۇيەسىنىڭ وكىلدەرىمەن كەزدەسكەن.
تەكسەرىس اياسىندا پرەزيدەنت اكىمشىلىگىنىڭ وكىلدەرى بالالار ۇيىندەگى تۇرۋ جانە وقۋ جاعدايلارىمەن تانىسىپ، ىرگەلەس ينفراقۇرىلىم نىساندارىن ارالاعان.
بۇل تۋرالى مەملەكەتتىك كەڭەسشى ەرلان قارين دە تەlegram-ارناسىندا ءبولىستى.
"مەملەكەت باسشىسىنىڭ تاپسىرماسىمەن پرەزيدەنت اكىمشىلىگى كەشەگى وقيعاعا قاتىستى قىزمەتتىك تەرگەۋ جۇرگىزۋدى باستادى. پرەزيدەنت اكىمشىلىگىنىڭ مەملەكەتتىك ينسپەكتورلارى جانە ىشكى ساياسات ءبولىمىنىڭ قىزمەتكەرى ايماققا جول ءجۇرىپ كەتتى"، – دەپ جازدى قارين Telegram-ارناسىندا.
ءقازىر كوشۋ تۋرالى شەشىم قابىلداۋعا قاتىستى قۇجاتتاردى جيناۋ جانە تالداۋ جۇمىستارى جۇرگىزىلىپ جاتقانى ناقتىلاندى. كوميسسيا جەتىم بالالارعا زاڭنامادا كوزدەلگەن بارلىق الەۋمەتتىك جانە قۇقىقتىق كەپىلدىكتەردىڭ ساقتالۋىنا ەرەكشە كوڭىل ءبولىپ وتىر.
تەكسەرۋ بالالاردىڭ قۇقىقتارى مەن مۇددەلەرىن قورعاۋ باسىمدىعىمەن جۇرگىزىلەتىنى ايتىلدى.