الماتى كىتاپحانالارىنىڭ بىرىندە «تەرروريزم مەن ەكسترەميزمگە قارسى كۇرەس: قوعامنىڭ ءرولى» تاقىرىبىندا اقپاراتتىق ساعات وتكىزىلدى.
ءىس-شارا سپيكەرى اباي اتىنداعى قازاق ۇلتتىق پەداگوگيكالىق ۋنيۆەرسيتەتى تاريح جانە قۇقىق فاكۋلتەتىنىڭ اعا وقىتۋشىسى، PhD دوكتور، الماتى قالاسىنىڭ «ءدىني ەكسترەميزم جانە تەرروريزمنىڭ الدىن الۋ» بويىنشا اقپاراتتىق ءتۇسىندىرۋ توبىنىڭ مۇشەسى ورىنبەكوۆ نۇرلان امانعازى ۇلى بولدى.
شارا بارىسىندا تەرروريزم مەن ەكسترەميزم ۇعىمدارىنا انىقتاما بەرىلدى، جاستاردىڭ ساناسىنا بەيبىتشىلىك، تولەرانتتىلىق، ۇلتتىق بىرلىك قۇندىلىقتارىن ءسىڭىرۋ جانە ازاماتتىق جاۋاپكەرشىلىكتى ارتتىرۋ جانە قوعامنىڭ وسىنداي قاۋىپتەرگە قارسى تۇرۋداعى ءرولى تۋرالى ءسوز قوزعالدى.