وتشاشۋ گيننەسس رەكوردتار كىتابىنا ەندى.
بىرىككەن اراب امىرلىكتەرىندەگى ءراس-ال-حايمادا وتشاشۋ بويىنشا 2 بىردەي رەكورد ورنادى، دەپ حابارلايدى اlmaty-akshamy.kz 24.kz-كە سىلتەمە جاساپ.
امىرلىكتە جاڭا جىل ءتۇنى جاعالاۋدا ۇيىمداستىرىلعان پيروتەحنيكالىق شوۋ 4،5 شاقىرىمدى قامتىدى. بۇل ەڭ ۇزاق قاشىقتىق رەتىندە گيننەسس رەكوردتار كىتابىنا ەندى.
شوۋ 8 مينۋتقا cوزىلدى. وندا مىڭنان اسا جارىق ديودتى دروندار مەن سۋعا ارنالعان وتشاشۋ سەكىلدى يننوۆاسيالار قولدانىلدى. شارانى تاماشالاۋ ءۇشىن 50 مىڭ ادام جينالعان. بۇل جەرگىلىكتى ءتۋريزمنىڭ دامۋىنا سەرپىن بەرىپ وتىر. ويتكەنى قوناق ۇيلەردە بوس ورىن بولماعان.
ايتا كەتكەن ءجون، ءراس-ال-حايما امىرلىگى وسىمەن بىرنەشە جىل قاتارىنان جاڭا جىلدىق وتشاشۋ بويىنشا رەكوردتار ورناتىپ، تۋريستىك الەۋەتىن ارتتىرىپ كەلەدى.
"2023 جىل ءراس-ال-حايما امىرلىگىنىڭ ءتۋريزمى ءۇشىن تابىستى جىل بولدى. ءبىز زور جەتسىتىككە قول جەتكىزدىك. سونىڭ ارقاسىندا 2030 جىلى 3 ميلليوننان اسا ساياحاتشىنى قابىلداۋ ماقساتىمىزعا ءبىر قادام جاقىنداي تۇستىك"، - دەيدى راكي فيلليپس، ءراس-ال-حايما امىرلىگىنىڭ ءتۋريزمدى دامىتۋ جونىندەگى دەپارتامەنتىنىڭ باسشىسى.