بيىلدان باستاپ ەلىمىزدە كاسىپكەرلىك بەلسەندىلىك بەلگىلەرى بار ءموبيلدى اۋدارىمدار تەكسەرىلە باستايدى، دەپ حابارلايدى Almaty-akshamy.kz
قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنىڭ مالىمدەمەسىنشە، قازاقستاندا ازاماتتاردىڭ العان ءموبيلدى اۋدارىمدارىن كەزەڭ-كەزەڭىمەن تەكسەرۋ باستالدى. وعان كاسىپكەرلىك قىزمەتتەن تۇسكەن تابىس بەلگىلەرى بار وپەراسيالار عانا جاتادى.
زاڭعا سايكەس، بۇعان ءبىر جەكە تۇلعانىڭ قاتارىنان ءۇش اي ىشىندە ءجۇز جانە ودان دا كوپ ءارتۇرلى تۇلعالاردىڭ بانك شوتىنان كاسىپكەرلىك قىزمەتتى جۇزەگە اسىرۋعا ارنالماعان اقشالاي قاراجات الۋى جاتادى.
مەلەكەتتىك كىرىستەر كوميتەتى دەرەكتەردى بانكتەردەن الاتىن بولادى.
2024 جىلعى 1 قاڭتاردان باستاپ ەكىنشى دەڭگەيدەگى بانكتەر، بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار، قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنە كاسىپكەرلىك قىزمەتتەن كىرىس الۋ بەلگىلەرى بار تۇلعالار تۋرالى مالىمەتتەردى بەرەدى.
بۇل رەتتە ولار جەكە سايكەستەندىرۋ نومىرلەرىن (جسن) جىبەرەدى، وعان جوعارىدا اتالعان كريتەرييلەرگە سايكەس كەلەتىن تۇلعالار، ياعني ءۇش اي قاتارىنان بىرنەشە جەردەن ءجۇز جانە ودان دا كوپ ءموبيلدى اۋدارىمدار العان ازاماتتار.عانا جاتادى