قازاقستاندىق تەننيسشى باستاپقى كەزدەسۋىن الەمنىڭ 42-راكەتكاسى، رۋمىنيالىق سورانا كىرستيامەن وتكىزدى
قازاقستاندىق، الەمنىڭ 47-راكەتكاسى يۋليا پۋتينسيەۆا اۋستراليا اشىق چەمپيوناتىنىڭ ەكىنشى اينالىمىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى باستاپقى كەزدەسۋىن الەمنىڭ 42-راكەتكاسى، رۋمىنيالىق سورانا كىرستيامەن وتكىزدى.
ءبىرىنشى پارتيادا رۋمىنيالىق سپوتشى باسىم ءتۇستى - 6:2.
ەسەسىنە سودان كەيىن يۋليا تارازى باسىن اۋدارا ءبىلدى - 6:4، 6:3.
ەكى ساعاتقا جۋىق ۋاقىتقا سوزىلعان ماچتا يۋ.پۋتينسيەۆا ءۇش ەيسپەن بىرگە بەس برەيك-پوينتتى تۇگەل پايدالانا ءبىلدى. قارسىلاسى 3 ەيس، 4 برەيكپەن (12 برەيك-پوينت) شەكتەلدى.
قازاقستاندىق تەننيسشى ءۇشىنشى اينالىمعا شىعۋ ءۇشىن الەمنىڭ 31-راكەتكاسى، چەحيالىق كارولينا پليشكوۆامەن تالاسادى.
ەسكە سالا كەتەيىك، بۇدان بۇرىن اۋستراليا اشىق چەمپيوناتىندا ەلەنا رىباكينانىڭ ۇزدىك ناتيجە كورسەتىپ جاتقانىن جازعان بولاتىنبىز.
سونداي-اق 20 ەيس جاساعان الەكساندر بۋبليك جارىس جولىنان شىعىپ قالدى.