ب. سۇلتانوۆ: باعانىڭ وسۋىنە جول بەرىلمەيدى

ەلدە ءبىرقاتار تاۋار تۇرلەرىنىڭ ەكسپورتى شەكتەلمەك

ءقازىردىڭ وزىندە مال مەن كوكونىستى سىرتقا شىعارۋعا تىيىم سالىنعان، دەپ حابارلايدى Almaty-akshamy.kz 24.kz-كە سىلتەمە جاساپ

بۇل باعىتتا قولعا الىنىپ جاتقان ىستەردى  ق ر پرەمەر-مينيسترىنىڭ ورىنباسارى، ساۋدا جانە ينتەگراسيا ءمينيسترى باقىت سۇلتانوۆ ءمالىم ەتتى.

ەسەسىنە شيكىزاتتىق ەمەس تاۋاردىڭ ەكسپورتى ۇلعايتىلادى. بۇل ىستە ءبىزدىڭ تاراپ وڭتۇستىك-شىعىس ازيا مەن شىعىس ەۋروپانىڭ تاجىريبەسىنە سۇيەنەدى. ۇكىمەت وتىرىسىندا ۆيسە-پرەمەر ءارى ساۋدا جانە ينتەگراسيا ءمينيسترى وسىلاي دەدى. 

«ازىق-تۇلىك ينفلياسياسىن تەجەۋ جانە الەۋمەتتىك ماڭىزعا يە تاۋارلاردىڭ باعاسىن رەتتەۋ ءۇشىن جەرگىلىكتى اتقارۋشى ورگاندارمەن بىرلەسكەن شارالار قابىلداپ جاتىرمىز»، – دەدى باقىت سۇلتانوۆ.

باسەكەلەستىكتى قورعاۋ جانە دامىتۋ اگەنتتىگىمەن، ۇلتتىق ەكونوميكا جانە اۋىل شارۋاشىلىعى مينيسترلىكتەرىمەن بىرگە باعا ماسەلەسى قايتا قارالدى.

«ياعني باعانىڭ وسۋىنە جول بەرىلمەيدى»، – دەدى مينيستر.

ساۋدا كوميتەتىنىڭ قىزمەتىن كۇشەيتۋ ءۇشىن شۇعىل تۇردە زاڭنامالىق باستامالار قولعا الىنادى.