بۇل تۋرالى اكىم ءوزىنىڭ Instagram-داعى پاراقشاسىندا جازدى.
«سەيفۋللين داڭعىلى، 50 مەكەنجايىندا جەكە ينۆەستيسياعا 590 ورىنعا ارنالعان مەكتەپ سالىنۋدا. وعان قوسا №170 قالالىق مەكتەپتىڭ جانىنان 300 ورىندى جاڭا كورپۋستىڭ قۇرىلىسى اياقتالۋعا جاقىن. وقۋشى ورنىنىڭ تاپشىلىعى ايتارلىقتاي تومەندەيدى. دەسە دە حالىق سانىنىڭ ءوسۋىن ەسكەرىپ، جاڭا وقۋ ورىندارىن قۇرۋ جوبالارىن ازىرلەيمىز»،– دەدى اكىم.
ب. ساعىنتايەۆ بيزنەس سالاسىنىڭ وكىلدەرى سپورتتىق ينفراقۇرىلىمدى دامىتۋعا اتسالىسىپ جاتقانىن دا اتاپ ءوتتى.
«جۇلدىز-1» ىقشاماۋدانىندا جەكپە-جەك پەن سپورت گيمناستيكاسى زالى، 25 مەترلىك باسسەينى بار كوپ سالالى سپورت كەشەنى بوي كوتەرۋدە. مۇنداي شاعىن كەشەندى شالعاي جاتقان ىقشاماۋدانداردا سالۋ قاجەتتىگىنە نازار اۋداردىم.
گوفروكارتون دايىندايتىن «ينتەر مۋلتي سەرۆيس» فابريكاسى جاڭا وندىرىستىك جەلىنى ىسكە قوسۋعا دايىندالۋدا. فابريكا جاڭادان 120 جۇمىس ورنىن قۇرۋدى كوزدەيدى»، – دەپ جازدى ب. ساعىنتايەۆ.