سۇرانىسقا يە كادرلاردىڭ بولماۋى ەڭبەك نارىعىنىڭ ناقتى قاجەتتىلىگىنىڭ سايكەسسىزدىگىنە الىپ كەلەدى.
مەملەكەت باسشىسىنىڭ زارداپ شەككەن بيزنەستى قالپىنا كەلتىرۋ جانە قالانى ودان ءارى دامىتۋ تۋرالى تاپسىرمالارىن ورىنداۋ بويىنشا الماتى اكىمى باقىتجان ساعىنتايەۆ قالا اكتيۆىندە سويلەگەن سوزىندە الماتىلىقتاردىڭ ءال-اۋقاتى مەن جۇمىسپەن قامتۋ تيىمدىلىگىن ارتتىرۋ شارالارى تۋرالى ايتىپ بەردى، دەپ حابارلايدى Almaty-akshamy.kz
«ءبىز ساۋدانىڭ، ونىڭ ىشىندە ونلاين-ساتۋدىڭ جاڭا فورماتتارىن ەنگىزۋ پايداسىنا نارىقتىق ساۋداعا نەگىزدەلگەن ەكونوميكانىڭ قالىپتاسقان فورماتىنان اۋىتقيتىن بولامىز»، - دەپ اتاپ ءوتتى ب.ساعىنتايەۆ.
اكىمدىك سيفرلاندىرۋ، كرەاتيۆتى يندۋستريا، ونەركاسىپ جانە باسقا دا جوعارى ءونىمدى سالالاردى دامىتۋ ەسەبىنەن ەكونوميكانىڭ قۇرىلىمدىق رەفورمالارىن جۇرگىزۋدە.
الماتى اكىمىنىڭ ايتۋىنشا، سۇرانىسقا يە كادرلاردىڭ بولماۋى ەڭبەك نارىعىنىڭ ناقتى قاجەتتىلىگىنىڭ سايكەسسىزدىگىنە الىپ كەلەدى.
«وسىعان بايلانىستى ءبىلىم، قوعامدىق دامۋ، الەۋمەتتىك ءال-اۋقات باسقارمالارىنا كادرلاردى دايارلاۋ كەزىندە كوللەدجدەردىڭ باعدارلامالارىن قايتا قاراۋدى تاپسىرامىن»، - دەدى ب. ساعىنتايەۆ.
جۇمىسپەن قامتۋ مەن ءومىر ءسۇرۋ ساپاسىن ارتتىرۋدىڭ ماڭىزدى قادامى ىسكەرلىك بەلسەندىلىكتى ىنتالاندىرۋ بولادى. سوڭعى ەكى جىلدا نەگىزگى كاپيتالعا سالىنعان ينۆەستيسيالار 820 ملرد-تان رەكوردتىق 1 ترلن 200 ملرد تەڭگەگە دەيىن ءوستى. بۇل رەتتە الەۋمەتتىك سالاعا ينۆەستيسيالار 12%-عا ءوستى.
2025 جىلعا دەيىن ىسكە اسىرىلاتىن 4،5 ترلن تەڭگەگە 396 ينۆەستيسيالىق جوبادان پۋل قۇرىلدى. وتكەن جىلى 10 مىڭ جۇمىس ورنىن قۇرۋمەن 83 جوبا اياقتالدى. وتكەن جىلى بارلىعى 55 مىڭنان استام جاڭا جۇمىس ورنى اشىلدى. بيىل تاعى 80 جوبانى ىسكە اسىرامىز، وندا 11 مىڭعا جۋىق جاڭا جۇمىس ورنى قۇرىلادى.
الماتىنىڭ يندۋستريالدى ايماعىندا 2 جىل ىشىندە 10 جاڭا كاسىپورىن پايدالانۋعا بەرىلدى.
سونىمەن قاتار ىسكە اسىرىلمايتىن 25 جوبا الىنىپ تاستالدى جانە 110 گا بوساتىلدى، بوساتىلعان اۋماقتارعا 37 جاڭا جوبا تارتىلدى، ولاردا 3615 جاڭا جۇمىس ورنى قۇرىلادى. بيىل 15 جوبانى ىسكە قوسۋ جوسپارلانۋدا.