Nur Otan پارتياسى الماتى قالالىق فيليالىنىڭ ءتوراعاسى، الماتى اكىمى باقىتجان ساعىنتايەۆ ازاماتتاردى كەزەكتى قابىلداۋدى ونلاين فورماتتا وتكىزدى.
ن. كەنجەبايەۆتىڭ حالىقتىڭ مۇمكىندىگى شەكتەۋلى توپتارى ءۇشىن عيماراتتارعا قويىلعان قۇرىلعىلارعا قاتىستى سۇراعى جونىندە ب. ساعىنتايەۆتىڭ تاپسىرماسى بويىنشا كوميسسيا قۇرىلاتىن بولادى. ءتۇرلى باسقارمالاردىڭ، ونىڭ ىشىندە جايلى قالالىق ورتا، الەۋمەتتىك ءال-اۋقات باسقارمالارىنىڭ ماماندارى قوعام بەلسەندىلەرىمەن بىرگە كوتەرگىش قۇرىلعىلاردىڭ تەحنيكالىق جاعدايى مەن قاۋىپسىزدىگىن تەكسەرەدى جانە باقىلاۋعا الادى.
و. كوستيۋلينانىڭ ناتاروۆ كوشەسىندەگى جول جامىلعىسىن قالپىنا كەلتىرۋ جونىندەگى ءوتىنىشى بويىنشا قالا اكىمىنىڭ ورىنباسارىنا سول جەرگە ارنايى بارىپ، تۇرعىندارعا ينجەنەرلىك جەلىلەردى قوسۋ جانە جولداردى اسفالتتاۋ جۇمىستارىنىڭ اياقتالۋ مەرزىمى تۋرالى اقپارات بەرۋ تاپسىرىلدى.
اقجار شاعىناۋدانى تۇرعىندارىنىڭ اتىنان ە. ادىلبەكوۆ ناۋرىزباي اۋدانىنداعى جوباعا ەنبەگەن لاشىن مەن بەرەل كوشەلەرىنە ينجەنەرلىك جەلىلەردى تارتۋ ماسەلەلەرىن سۇرادى. الماتى اكىمى ب. ساعىنتايەۆ اعىمداعى جىلى سۋمەن جابدىقتاۋ جەلىلەرىن تارتۋدى جانە كەلەر جىلى وسى كوشەلەرگە سۋ بۇرۋ جەلىلەرىن سالۋدى جوباعا ەنگىزۋدى تاپسىردى.
جالپى، اقجار شاعىناۋدانىندا 21 مىڭ ادام تۇرادى جانە 5،5 مىڭ ءۇي بار، وتكەن جىلى 8،5 كم سۋمەن قامتۋ، 6،7 كم سۋ بۇرۋ جەلىلەرى سالىندى. بيىلعى جىلى 10،5 كم سۋمەن قامتۋ جانە 9 كم سۋ بۇرۋ جەلىلەرىن سالۋ جوسپارلانۋدا. اعىمداعى جىلى شاعىن اۋدان تۇرعىندارىن ساپالى اۋىز سۋمەن قامتاماسىز ەتەتىن اقساي سۋ تازارتۋ ستانسياسىنىڭ قۇرىلىسى باستالادى.
ا. تەمەشتىڭ ءوتىنىشى بويىنشا قوعامدىق دەنساۋلىق باسقارماسىنا ونىڭ كىشكەنتاي بالاسىنىڭ دەنساۋلىق جاعدايىن دۇرىس انىقتاۋ ءۇشىن كوميسسيا قۇرۋدى جانە قاجەت بولسا مەديسينالىق-الەۋمەتتىك ساراپتاماعا جىبەرۋدى تاپسىردى.
«قامقور» الەۋمەتتىك ۇيىندە تۇراتىن ۆ. دەنيسەنكونىڭ سۇراعىنا جاۋاپ بەرگەن مەگاپوليس اكىمى ب. ساعىنتايەۆ پسيحيونيەۆرولوگيالىق پاتولوگياسى بار بالالاردى وڭالتۋ قىزمەتتەرى «قامقور» عيماراتىنان ءشارىپوۆ كوشەسىندەگى وزگە نىسانعا كوشىرىلەتىنى تۋرالى حابارلادى. بۇل ەرەكشە قاجەتتىلىكتەرى بار بالالاردى تولىق 8 ساعاتتىق ساباقتارمەن قامتۋعا مۇمكىندىك بەرەدى. وزگە نىسانعا كوشىرۋ جىل سوڭىنا جوسپارلانعان.