الماتى قالاسى مەن الماتى وبلىسى اكىمىنىڭ ورىنباسارلارى ماقسات قيقىموۆ پەن سەرىك تۇردالييەۆ الەۋمەتتىك ماڭىزى بار ازىق-تۇلىك تاۋارلارىن الماتىعا ۇزدىكسىز جەتكىزۋ بويىنشا ءوزارا ىنتىماقتاستىق تۋرالى مەموراندۋمعا قول قويدى.
كوشپەلى كەڭەس بارىسىندا ازىق-تۇلىك قاۋىپسىزدىگىن قامتاماسىز ەتۋ ءۇشىن اكىمدىك وكىلدەرىنەن قۇرىلعان دەلەگاسيا بىرنەشە ءوندىرىس ورنىنا باردى. ولار «الماتى» اكك» اق، «رير» اق، «جەتىسۋ» اكك» اق جانە ازىق-تۇلىك ونىمدەرىن ءوندىرۋ زاۋىتتارى («ماريەۆەن فۋد تيان-شان» ج ش س)، قانت ءوندىرۋشى («اقسۋ قانت» ج ش س، «كوكسۋ قانت زاۋىتى» ج ش س)، سونىمەن قاتار «اق قۇس» قۇس فابريكاسى («كوگەر لتد» ج ش س) مەن پياز بەن كارتوپ ءوسىرۋ بويىنشا شارۋا قوجالىقتارىندا («ۇشتوبە» شق، «ناسدانا» شق، «بايمۇرات» شق) بولدى.
«الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا العاش رەت الماتى وبلىسىنىڭ تاۋار وندىرۋشىلەرىنەن ازىق-تۇلىك ونىمدەرىن تىكەلەي جەتكىزۋ بويىنشا ۋاعدالاستىققا قول جەتكىزىلدى. ەندى فەرمەرلەر الماتىعا كوكونىستەر، قانت، ءسۇت، جۇمىرتقا، ماكارون ونىمدەرى، قۇس ەتى جانە باسقا دا ازىق-تۇلىك تاۋارلارىن جەتكىزەتىن بولادى. سونىمەن قاتار، بۇل تاۋارلاردى وندىرۋشىلەر قالانىڭ ساۋدا جەلىلەرى مەن بازارلارىنا دەلدالسىز تىكەلەي جۇزەگە اسىرادى. ءبىز تاۋارلاردى ۇسىنىلعان باعاعا سايكەس جەتكىزۋ جانە ءونىم باعاسىنىڭ نەگىزسىز كوتەرىلۋىنە جول بەرمەۋ تۋرالى دا كەلىستىك»، – دەدى الماتى قالاسى اكىمىنىڭ ورىنباسارى ماقسات قيقىموۆ.
ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن الماتى اكىمدىگى ءبىرقاتار كەشەندى ءىس-شارا قابىلدادى. «Magnum» جانە «Toimart» سياقتى ءىرى ساۋدا جەلىلەرىنە ءامات-نىڭ 15 اتاۋىن تومەن باعامەن الىپ-ساتۋ ءۇشىن جەڭىلدىكتەر بەرىلدى: نان جەتكىزۋ ءۇشىن «اقساي «حبك» ج ش س، سيىر ەتى مەن تاۋىق ەتىن جەتكىزۋ ءۇشىن «Union Products» ج ش س، سيىر ەتىن جەتكىزۋ ءۇشىن «اسىل Meat» ج ش س. سونىمەن قاتار، «اقسۋ كانت» جشس-نەن «Magnum» ساۋدا جەلىسىنە 3،5 مىڭ توننا قانت بەلگىلەنگەن باعا بويىنشا جەتكىزىلە باستادى. 3 جىل مەرزىمگە شەكتى باعا بويىنشا 49،6 ملن. جۇمىرتقا جەتكىزۋ ءۇشىن «الساد» جشس-مەن كەلىسىمگە كەلدى.