الماتىنىڭ ازىق-تۇلىك نارىعى باقىلاۋدا.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى دامير تازابەك مالىمدەدى، دەپ حابارلايدى Almaty-akshamy.kz
ول مەگاپوليستە ازىق-تۇلىك باعاسى تۇراقتانىپ، ولاردىڭ وسۋىنە جول بەرىلمەيتىنىن اتاپ ءوتتى.
دامير تازابەك ق ر پرەزيدەنتى ق.-ج. توقايەۆتىڭ ءامات باعاسىن تۇراقتاندىرۋ جونىندەگى تاپسىرماسىنا سايكەس، سونداي-اق قازاقستان حالقىنا جولداۋىن ورىنداۋ ماقساتىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماسەلەسى الماتى قالاسى اكىمدىگىنىڭ ەرەكشە باقىلاۋىندا ەكەنىن اتاپ ءوتتى.
«ساتۋ باعاسىن تۇراقتاندىرۋ دۇكەندەر مەن جەرگىلىكتى بازارلاردىڭ سورەلەرىنە تارالادى. قالا اكىمدىگى ساۋدا جەلىلەرىمەن، تاۋار وندىرۋشىلەردىڭ ءىرى بىرلەستىكتەرىمەن ىنتىماقتاستىقتا. الماتىنىڭ بازارلارى مەن ساۋدا جەلىلەرىنە تىكەلەي جەتكىزۋ ۇيىمداستىرىلعان»، - دەدى دامير تازابەك.
ءسوز سويلەۋ بارىسىندا ۆەدومستۆو وكىلى اكىمدىك پەن الماتى وبلىسىنىڭ كاسىپورىندارى اراسىندا «JLC ءسۇت» ءوندىرۋشىسىنىڭ ءسۇتى مەن سۇزبەسىن «ماگنۋم» ساۋدا جەلىسىنە، «Naz-Dana» شق پيازىنا جانە «تجن جانە ك» اگروفيرماسىنا «تويمارت» جانە «ماگنۋم» جەلىلەرىنە، سونداي-اق «بىرلىك اگروفيرماسىنا» «تويمارت» جەلىسىنە تىكەلەي جەتكىزۋ تۋرالى شارت جاسالعانىن ايتتى.
بۇدان وزگە اپتا سايىن الماتى قالاسىنىڭ بارلىق اۋداندارىندا دەمالىس كۇنىنىڭ ازىق-تۇلىك جارمەڭكەلەرى وتكىزىلىپ، وعان الماتى وبلىسىنىڭ جاقىن اۋداندارىنىڭ اۋىل شارۋاشىلىعى تاۋار وندىرۋشىلەرى، سونداي-اق مەگاپوليستىڭ ازىق-تۇلىك كاسىپورىندارى قاتىسادى.
«2021 جىلدىڭ باسىنان بەرى 380 جارمەڭكە وتكىزىلىپ، 40 ملن تەڭگەدەن استام سوماعا 5 مىڭ تونناعا جۋىق ءونىم ساتىلدى. سونداي-اق، ءبىز جىل سايىن الماتى، جامبىل، تۇركىستان جانە شىعىس قازاقستان وبلىستارىنىڭ اۋىل شارۋاشىلىعى تاۋار وندىرۋشىلەرىنىڭ قاتىسۋىمەن اۋىل شارۋاشىلىعى ونىمدەرىنىڭ كەڭەيتىلگەن جارمەڭكەلەرىن وتكىزەمىز»، - دەپ جالعاستىردى دامير تازابەك.
مىسالى، قىركۇيەك ايىندا الماتى وبلىسى ونىمدەرىنىڭ جارمەڭكەسى، سونداي-اق قالا كۇنىنە ورايلاستىرىلعان «Apple Fest-2021» الما فەستيۆالى ءوتتى.
الماتى قالاسى كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى ولاردىڭ ۆەدومستۆوسى نەگىزگى بازارلاردا، ساۋدا جەلىلەرىندە جانە «ءۇي جانىنداعى دۇكەندەردە» الەۋمەتتىك ماڭىزى بار ازىق-تۇلىك باعالارىنا 15% ساۋدا ۇستەمەسىن ساقتاۋ مانىنە تۇراقتى نەگىزدە مونيتورينگ جۇرگىزەتىنىن حابارلادى.
بۇل جەردە 2021 جىلعى 1 شىلدەدەن باستاپ «قازاقستان رەسپۋبليكاسىنىڭ كاسىپكەرلىك كودەكسىنە» وزگەرىستەر ەنگىزىلگەنىن اتاپ وتكەن ءجون. وعان سايكەس جەرگىلىكتى اتقارۋشى ورگاندار ءوز قۇزىرەتى شەڭبەرىندە ءامات-قا ساۋدا ۇستەمەسى مولشەرىنىڭ ساقتالۋىنا مەملەكەتتىك باقىلاۋدى جۇزەگە اسىرادى.
ىشكى ساۋدا سۋبەكتىسىنىڭ ساۋدا ۇستەمەسىنىڭ مولشەرىن ارتتىرۋ فاكتىلەرى انىقتالعان جاعدايدا ەسكەرتۋ جاساۋعا اكەپ سوعادى. ءبىر جىل ىشىندە قايتالاپ ارەكەت جاساعان جاعدايدا شاعىن بيزنەس سۋبەكتىلەرى ءۇشىن 10 اەك، ورتا بيزنەس ءۇشىن 75 اەك جانە ءىرى بيزنەس ءۇشىن 300 اەك مولشەرىندە ايىپپۇل سالۋعا اكەلەدى.
بۇدان وزگە جىل باسىنان بەرى الماتىدا قاراقۇمىق جارماسىنا (361 تگ/كگ، 30 ناۋرىزعا دەيىن جارامدى)، جۇمىرتقاعا (487 تگ/ونداعان، 30 ماۋسىمعا دەيىن جارامدى) جانە قىرىققاباتقا (83 تگ/كگ، 15 قىركۇيەككە دەيىن جارامدى) شەكتى باعالار بەلگىلەنگەن بولاتىن.