ساۋدا ورتالىعىندا الماتىلىق ەكى ازامات بومبا جايلى ورىنسىز ازىلدەگەنى ءۇشىن جازالاندى، – دەپ حابارلايدى اlmaty-akshamy.kz.
6 ساۋىردە الماتىدا “Dostyk Plaza” ساۋدا ورتالىعىنداعى كينوتەاتردىڭ كۇزەت قىزمەتكەرى ساۋدا ورتالىعىنىڭ اۋماعىندا بىر-بىرىمەن جارىلعىش قۇرىلعى تۋرالى سويلەسكەن ەكى كۇدىكتى ەر ادامدى بايقاعان. بۇل دەرەك تۋرالى دەرەۋ قالالىق توتەنشە جاعدايلار قىزمەتىنە حابارلانىپ، اتالعان ادامدار ۇستالدى.
ساۋالناما بارىسىندا بۇل ادامدار كينوتەاتردىڭ جانىندا، 3-قاباتتا تۇرىپ، “مەنىڭ بومبام قايدا؟”، “بومبانى قايدا قويامىز؟” دەپ ازىلدەپ ايتقانى انىقتالدى. سول ماڭدا كەزدەيسوق بولعان كۇزەت قىزمەتكەرى قىراعىلىق تانىتىپ، كۇدىكتى اڭگىمەسىن باسشىلارعا جەتكىزگەن. بۇل دەرەكتىڭ جالعان بولىپ شىققانىنا قاراماستان، ساۋدا ورتالىعىنىڭ قاۋىپسىزدىك قىزمەتى مەن پوليسيا قىزمەتكەرلەرىنىڭ ارەكەتى لاڭكەستىك سيپاتتاعى ىقتيمال قاۋىپ-قاتەرگە قالالىق توتەنشە جاعدايلار قىزمەتىنىڭ ازىرلىگىن كورسەتتى.
ۇستالعان ازاماتتارعا قاتىستى ق ر اقبتك-نىڭ 434-بابىنىڭ 1-بولىگى (ۇساق بۇزاقىلىق) بويىنشا اكىمشىلىك حاتتاما تولتىرىلدى.