اقتاۋ قالاسىنىڭ تۇرعىنى وبلىس اكىمىنىڭ تelegram-كانالىنا ارىز جازىپ، «كاسپيي» فۋتبول كلۋبى نەبارى 3 ايدا 600 ملن تەڭگە جاراتقانىن ايتتى. ونىڭ سوزىنشە، تاعى ءۇش ايدا كلۋبتىڭ جىلدىق بيۋدجەتى تاۋسىلادى.
شاعىمدانۋشى ەر ادامنىڭ پىكىرىنشە، «كاسپييدىڭ» نەگىزگى بيۋدجەتى تاۋسىلعان سوڭ ولار جەرگىلىكتى اكىمدىكتەن تاعى اقشا الادى.
«فۋتبول كلۋبىنا مۇنشاما قاراجاتتى بەرۋدىڭ نە قاجەتى بار؟ كلۋب نەبارى ءۇش ايدا 600 ملن تەڭگە جاراتتى. تاعى ءۇش ايدا اقشاسى بىتەدى. قالعان التى ايدا ولار نە ىستەيدى، تاعى اقشا بولەمىز بە؟» - دەپ سۇرادى اقتاۋ تۇرعىنى وبلىس اكىمىنەن.
وبلىس اكىمىنىڭ ورنىنا بۇل ساۋالعا وبلىستىق دەنە شىنىقتىرۋ جانە سپورت باسقارماسى جاۋاپ بەردى.
«2024 جىلى تۇزىلگەن ەكىجاقتى كەلىسىمشارتا ماڭعىستاۋ وبلىسىنىڭ اكىمدىگى «كاسپيي» كاسىبي فۋتبول كلۋبىنا قوسىمشا قاراجات بەرمەيتىنى كورسەتىلگەن. سوندىقتان كلۋب 2024 جىلعا بولىنگەن قاراجات اياسىندا جۇمىس ىستەپ جاتىر جانە قوسىمشا قارجىلاندىرۋ سۇراپ جاتقان جوق. قازىرگى تاڭدا قوسىمشا سەرىكتەستەر مەن دەمەۋشىلەر تارتۋ جۇمىستارى جۇرگىزىلىپ جاتىر»، - دەپ مالىمدەدى كلۋبتىڭ باسپا ءسوز قىزمەتى.