ابۋ-دابيدە ازيا شاحمات فەدەراسياسىنىڭ ءسامميتى ءوتىپ جاتىر (ACF). بۇگىنگى تاڭدا ACF قۇرامىنا 54 ەلدىڭ شاحمات فەدەراسياسى كىرەدى، ونىڭ ىشىندە قازاقستان شاحمات فەدەراسياسى دا بار.
سامميتتە فەدەراسيانىڭ ءبىرىنشى ۆيسە-پرەزيدەنتى دارمەن ءسادۋاقاسوۆ قازاقستاندا شاحماتتى دامىتۋ تۇجىرىمداماسىن تانىستىرىپ، اتالعان سالاداعى جەتىستىكتەرى جانە جوسپارلارىمەن ءبولىستى. فورۋم اياسىندا قحر، ءۇندىستان، ورتالىق ازيا ەلدەرى فەدەراسيالارىنىڭ باسشىلىعىمەن شەيح سۇلتان بين حاليفا ءال ناحيانمەن كەزدەسۋلەر وتكىزىلدى.
سايلاۋدا ازيا شاحمات فەدەراسياسىنىڭ كەڭەسىمەن ACF ۆيسە-پرەزيدەنتى بولىپ دارمەن ءسادۋاقاسوۆ تاعايىندالدى.
«سوڭعى ۋاقىتتا ءبىزدىڭ شاحماتشىلار وتە جاقسى ناتيجە كورسەتۋدە، بىزدە بالالار مەن جاسوسپىرىمدەر، قىزدار قۇراماسى وتە مىقتى. قازاقستاندا ءىرى چەمپيوناتتار وتكىزىلە باستادى. وسى ءساتتى پايدالانا وتىرىپ، Freedom Finance Global جانە ءبىزدىڭ فەدەراسيا پرەزيدەنتى تيمۋر تۋرلوۆقا جاھاندىق شاحمات تۋرنيرلەرىن ۇيىمداستىرۋ مۇمكىندىگى ءۇشىن العىس بىلدىرگىم كەلەدى. اتالعان شارالار قازاقستاندا بالالار شاحماتىنىڭ دامۋىنا ۇلكەن سەرپىن بەرىپ، بۇل ويىندى وسكەلەڭ ۇرپاق اراسىندا كەڭىنەن ناسيحاتتايدى. مەنىڭ ازيا فەدەراسياسىنا ۆيسە-پرەزيدەنت رەتىندە تاعايىندالۋىم - ەلىمىزدەگى شاحماتتىڭ دامۋىن، حالىقارالىق دەڭگەيدەگى تابىستارىمىزدى جانە قازاقستان فەدەراسياسىنىڭ پلانەتارلىق اۋقىمداعى چەمپيوناتتاردى ۇيىمداستىرۋداعى ءرولىنىڭ مويىندالعانىن كورسەتەدى»، - دەپ اتاپ ءوتتى قازاقستان شاحمات فەدەراسياسىنىڭ ءبىرىنشى ۆيسە-پرەزيدەنتى دارمەن ءسادۋاقاسوۆ.