بۇگىن قىتايدىڭ حانچجوۋ قالاسىندا جازعى ازيا ويىندارىنىڭ جارىستارى اياقتالدى، دەپ حابارلايدى اlmaty-akshamy.kz.
ازيا ويىندارىنىڭ سوڭعى كۇنىندە نەبارى ەكى مەدال ساراپقا سالىندى. سينحروندى جۇزۋدەن قازاقستان قۇراماسى قولا جۇلدەگەر اتانسا، كاراتەشى ءمولدىر جاڭبىرباي 50 كەلىگە دەيىنگى سالماق دارەجەسىندە جارىستىڭ فينالىنا شىعىپ، تارتىسقا تولى فينالدا جۇڭگو تايبەيىنىڭ وكىلىنە ەسە جىبەردى.
قازاقستان قۇراماسى ازيا ويىندارىندا بارلىعى 80 جۇلدە جەڭىپ الدى: 10 التىن، 22 كۇمىس جانە 48 قولا. مەدال سانى بويىنشا ەسەپتە ءبىزدىڭ قۇراما 11-ورىنعا تۇراقتادى.
قازاقستان قۇراماسى ءۇشىن سپورتتىڭ 30 تۇرىنەن 525 سپورتشى ب ا ق سىنادى. ايتا كەتەيىك، ءبىزدىڭ قۇراما ازيا ويىندارىنا 1994 جىلدان بەرى قاتىسىپ كەلەدى.