ادام بولساڭ، ادال بول،
جىگىت بولساڭ، جايساڭ بول!
***
ەر-ازامات ەلى ءۇشىن تۋادى،
ەلى ءۇشىن ولەدى.
***
ازاماتتىڭ اسىلى –
ارىستاننىڭ ءناسىلى.
***
جىگىتتىڭ ەكى ايتقانى – ءبىر ولگەنى.
***
ەر جىگىت نە ۇيىندە، نە ۇيىرىندە.
***
ارىستان ىزىنەن،
ازامات سوزىنەن جاڭىلمايدى.
***
تۇك شىقپاعان ادامنان ءبارى شىعادى.
***
كەمەڭگەردىڭ قۇدىرەتى كىشىپەيىلدىلىگىندە.
***
ۇلكەندىكتىڭ باستى بەلگىسى – كىشىلىك.
***
سۇرىنبەيتىن جۇيرىك جوق،
جاڭىلمايتىن جىگىت جوق.
***
ءۇمىت قانشا جاساسا،
ادام سونشا جاسايدى.
***
ەڭ باستىسى ۇمىتپا:
ءومىر باردا – ءۇمىت بار.
***
ادام اياعىنان توزادى،
قۇلاعىنان ازادى.
***
ساليقالى اقىل ساقالدان،
ءبىراق ساقالدىڭ ايتقانى بولا بەرمەيدى.
***
اقىل ساقالدى سىيلايدى،
ءبىراق سيىنبايدى.
***
ساقال قىمبات،
ءبىراق باس ءۇشىن ول دا قۇربان.
***
پەرىشتە پەندەنى تۇزەي المايدى،
پەندە پەرىشتەنى بۇزا الادى.
***
پەندە – كەمشىلىكتەن كەندە بولمايدى.
***
ءوز باعاسىن ءوزى جاقسى بىلەتىن ادام
ساۋدالاسپاي-اق سارىلا سالادى.
***
اعاش تامىرسىز،
ادام ءتاڭىرسىز بولمايدى.
***
جەتەسىز اقىلى
ادام دا ماقۇلىق.
***
التىن بولىپ نە كەرەك؟
التىنعا بولا بۇزىلىپ نە كەرەك؟
ادامعا ادام بولۋ جەتپەي مە؟!
***
ادامنىڭ جانى ىشىندە،
جانارى سىرتىندا.
***
ادامزات وپات بولسا،
ارتىندا تەك اقىماقتار عانا قالادى.
***
ادامدارمەن ارالاسپاساڭ كۇن كورە المايسىڭ،
ارالاسساڭ، كۇن كورسەتپەيدى.
***
ادامزاتتىڭ ءجۇز ۇساق پەندەلىگىن
جاساعان ءبىر جاقسىلىعى شايىپ كەتەدى.
***
جاقسى ادامنان شاراپات،
جاماننان جاراقات.
***
ادام بولامىن دەگەن ازامات
ادام بولماي تىنبايدى.
***
ادام قىزىق:
بىرەۋ ەمىنىپ تۇرادى،
بىرەۋ تەبىنىپ تۇرادى.
***
ءبىر ادامنىڭ ادام بولعانىن
ەكىنشى ادام قالاپ جارىتپايدى.
***
ادامنىڭ ەڭ تىنىش كەزى
قۇرساقتا جاتقان كەزى شىعار.
***
تاعدىر ماعان ىرجيىپ قارادى دەپ قاتەلەسپە،
ول ونىڭ ساعان ازۋىن كورسەتكەنى.
***
ەگەر ادام ۇندەمەسە،
ول ونىڭ قۇپيا جاساعانى ەمەس،
جانىن ساقتاعانى.
***
ادەتتە ادام وزىنە ءوزى ۇنامايدى.
سوندىقتان ۇنەمى وزگە رولدە ويناپ جۇرەدى.
***
ءوزىن ءوزى تابا الماعان ادام
جوعالتىپ تا جارىتپايدى.
***
ادامنىڭ الدىڭعى ەكى اياعى قولعا اينالعان.
ول نە ءۇشىن كەرەك؟
***
ادامداردىڭ كوپشىلىگى ءبىرىن-بىرى جەك كورەدى،
ويتكەنى ءبىرىن-بىرى وتە جاقسى بىلەدى.
***
جاقسى ادام جاناشىر كەلەدى.
***
نيەتى ءتۇزۋ ادامنىڭ جولى دا ءتۇزۋ بولادى.
***
ءبىر قاپتانبىز،
ءبىر ساپتانبىز،
قاسيەتتى قۇرساقتانبىز –
ەل دەگەن ءۇي ۇستايمىز،
ءبىراق تا سىيىسپايمىز.
***
ەشقاشاندا ادامعا تەرىس قاراما،
ويتكەنى بەتىڭدى ءارى بۇرساڭ،
كوتىڭ بەرى بۇرىلادى.
***
التىننىڭ سوڭىنا تۇسكەن ادامنىڭ قۇنى
التى-اق تيىن!
***
ادامگەرشىلىك العا سۇيرەيدى،
پەندەشىلىك كەيىن تارتادى.
***
ادام دەگەن
قىرىق قابات قۇرامى
پەندەلىكتەن تۇرادى.
***
ءومىر تۇرعان ءورت:
ورتەنەسىڭ، كۇيىنەسىڭ!
***
بايسىڭ، كەدەيسىڭ.
ءبارىبىر سالىق تولەيسىڭ.
***
ادام باقىتىن قۋىپ جەتە المايدى،
قاسىرەت-قايعى قىر-سوڭىڭنان قالمايدى.
***
سىپايىلىقتى ساقتايسىڭ،
سوندا دا جۇرتقا جاقپايسىڭ.
***
ادامنىڭ جاۋى – ادام.
***
سەن ادامدى تۇسىنبەيسىڭ تاباندا.
پەرىشتە ەمەس،
سايتان جاقسى ودان دا.
***
قىپ-قىزىل بوپ وت جانادى كوزىندە،
كىم-كىمنىڭ دە جىنى ۇستاعان كەزىندە.
***
كومەيدەن ءبارى وتەدى، ءبارى وتەدى،
ادامنىڭ تۇبىنە ىندىن جەتەدى.
***
ءتۇرلى-تۇرلى تىلەكپەن
پەندەلەردىڭ كۇنى وتكەن.
جاقسىلىعى جارىق تا،
جاماندىعى – تۇنەكتەن.
***
ادامدى كورگەندە باۋىرىم ەكەن دەپ قالاسىڭ.
***
التىندى اسا جاقسى كورەتىن ادام
ادامدى جاقسى كورە المايدى.
***
ادال جانە ارام،
ەكەۋى دە ادام.
جاقسى جانە جامان،
تاعى دا سول ادام.
***
ارىن توككەن ادام – ءبارىن توككەن ادام.
***
ارداگەر بولماي دا ادام بولا الاسىڭ.
الايدا ادام بولا الماساڭ،
ارداگەر بولا المايسىڭ.
***
باتىر دا ادام،
پاقىر دا ادام.
***
ءومىر باقي قىسىلىپ،
ءومىر سۇرەدى كىسىلىك.
***
ۇيلەنگەن ادامنىڭ ءومىرى قىسقارماعانمەن،
ءومىربايانى قىسقارادى.
***
ادامنىڭ باعاسى ابىرويىندا.
***
ادامنىڭ ءومىرى قيىن بولعان سايىن
ءومىربايانى باي بولادى.
***
ادامنىڭ العاشقى ۇستازى – حايۋاندار.
***
ادام دەگەندە اۋزىڭ تالادى،
ويتكەنى ول ساياسي-قوعامدىق ماقۇلىق.
***
ادامنىڭ ازۋى سۇمدىق وتكىر،
كومەيى ودان دا ءقاۋىپتى.
***
ادامنىڭ باسقا حايۋانداردان ايىرماشىلىعى نە؟
ول جىلايدى جانە باسقالاردى جىلاتا بىلەدى.
***
ادامنىڭ تامىرى
تامۇقتان ءنار الادى.
***
ادامزاتتىڭ قۇرامىندا قانشا ادام بار؟
مەنىڭشە، ونشا كوپ تە ەمەس.
***
مەندەلەيەۆ كەستەسىنەن تابىلماعان ەلەمەنت قانشا؟
ادام بويىنداعى بەيمالىم قاسيەتتەر ودان دا كوپ!
***
ادامنىڭ بىتىرگەن شارۋاسى – ادامنىڭ باعاسى.
***
ادام دەسە كەيدە،
كوككە جەتەر توبەڭ.
ادام ءبىراق كەيدە،
ايۋاننان دا تومەن.
***
لاي سۋعا ءۇڭىلىپ كەيدە بىردەڭە كورۋگە بولادى.
ادامنىڭ ىشىندە نە بولىپ جاتقانىن
بىلە المايسىڭ.
***
ادام ءوزىنىڭ كىم ەكەنىن جاقسى بىلمەيدى.
بىلسە، جۇرەگى اينىر ەدى.
***
ادامنىڭ كۇش-قۋاتى حايۋاندىعىندا.
وسالدىعى، وكىنىشىنە وراي، ادامدىعىندا.
***
ادامنىڭ ءبىر وكپەسى اق،
ءبىر وكپەسى قارا.
***
ادام – جارتى قۇداي،
جارتى پەندە.
***
وقىعان-وقىماعان ادامنان
قارا تانىمايتىن قاسقىر ارتىق.
***
ادام – پلاستيلين.
قوعام ودان نە ىستەيمىن دەسە، سونى ىستەيدى.
***
بالەنباي عاسىر، بالەنباي ءداۋىردى
باستان كەشكەن ادامزاتتىڭ بار بولعانى وسى.
ەندى ول بۇزىلا تۇسپەسە، تۇزەلمەيدى.
***
ادامعا بايلىق كەرەك.
ءبىراق ول بايىپ بولعانشا،
ادامدىق عايىپ بولادى.
***
ادامنىڭ ساتىلعان كۇنى –
ونىڭ اتىلعان كۇنى.
***
حايۋان حايۋان بوپ تۋىپ،
حايۋان بوپ ولەدى.
ادام پەرىشتە بوپ تۋادى،
نەگە پەرىشتە بوپ ولمەيدى؟!
***
ادام بولساڭ ءوزىڭ ءۇشىن،
تاپ سودان اۋليە بولىپ جاتقان جاندى كورمەدىم.