كوك تۋدى شىمبەرگەنوۆ پەن دۋبوۆيسكايا ۇستاپ شىعادى.
تۋرا ءبىر ايدان كەيىن قىتايدىڭ حانچجوۋ قالاسىندا جىلدىڭ باستى باسەكەسى ازيا ويىندارى باستالادى. 4 جىلدا ءبىر وتەتىن بايراقتى باسەكەگە ۇلتتىق قۇراما قىزۋ دايىندالىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
كۇنى كەشە اشىلۋ سالتاناتىندا كوك بايراعىمىزدى ۇستاپ شىعاتىن سپورتشىلاردىڭ ەسىمى بەلگىلى بولدى. بۇل قۇرمەتكە بوكستان ۇلتتىق قۇراما كاپيتانى ءارى الەم چەمپيونى اسلانبەك شىمبەرگەنوۆ پەن بيىكتىككە سەكىرۋدەن ۇلتتىق قۇراما ۇزدىگى ءارى ازيا چەمپيونى نادەجدا دۋبوۆيسكايا يە بولدى. بايراقتى باسەكەنى قابىلدايتىن حانچجوۋ قالاسىندا دا ءقازىر قاربالاس.
12 ميلليون تۇرعىنى بار قالادا سپورتتىق ينفراقۇرىلىمدار تولىقتاي قولدانىسقا بەرىلىپ، تەستتىك جارىستار وتكىزىلىپ جاتىر. ازيا ويىندارىندا 474 مەدال جيىنتىعى ساراپقا سالىنادى. ونىڭ 381ء-ى وليمپيادالىق، 93ء-ى وليمپيادالىق ەمەس سپورتتار بويىنشا. بىرەر كۇن بۇرىن قۇرلىقتىق دودانىڭ بيلەتتەرى رەسمي ساتىلىمعا شىقتى.