ەسىرتكىسىز ءومىر عاجايىپ!

بۇگىندە ادام پەندەسى ءومىردىڭ تالاي داۋىلىمەن، كۇن كوزىندەي شۇعىلالى قۋانىش اتاۋلىعا بولەنىپ وسەتىن «ءومىر اعاشى» ىسپەتتەس سياقتى. جەر اعاش تامىرىنا قانداي ءونىم بەرگەندىگى، قالاي قۇنارلاندىرعانى سياقتى، ادام ومىرىندە وسى جاعداياتتارعا كەزىگەدى. ءبىز وتباسىمىزدى اتا-انامىزبەن، باۋىرلارىمىزبەن، قورشاعان ورتا، دوستارىمىزبەن سىرلاسامىز، بىرگە كۇن كەشەمىز. وتباسىلىق جاعداياتتارىمىز شىعا قالسا، ىشكى تاقىرىبىن، ءمان-جايىن تۇسىنبەي تەرىس اينالىپ جاتامىز. بۇل – قازىرگى جاستارىمىزدىڭ ەڭ ۇلكەن قاتەلىگى. سىرتتان جىلۋلىق ىزدەيمىز. وسى جاعدايدا كوبىسى، تەرىس ارنالارعا تاپ بولىپ جاتادى. سونىڭ ىشىندە كوپ جاستارىمىز دۇنيەجۇزى بويىنشا تۇتىنۋعا، تاراتۋعا رۇقسات ەتىلمەگەن، اتى مەن زاتى تاۋەلدىلىككە دۋشار ەتەتىن – ەسىرتكى قولدانىسى. ادام ءوز ءومىرىن راحاتقا بولەدىم دەپ ۋاقىتشا ءلاززات كۇيىگىنە باتىپ جۇرگەنىن بايقاماي قالادى. تاۋەلدىلىگى ۇدەيە تۇسكەندە اق پەن قارانى اجىراتۋ تۇرماق، شاراسىز حالگە تۇسەدى. ءوز قولىمەن جاساعان تاعدىر تىلسىمىنا ءتۇسىپ، شاراداي باسى شاقشاداي بولىپ، نە ىستەپ (ۇرلىق، كيكىلجىڭ، سۋيسيد، ت.ب ) نە قويعانىن بىلمەي الەك بولارى شىن.
جازىپ وتىرىپ، ەلەستەتۋ وتە قيىن. ءبىر تاۋەلدىلىك زاتى – ەسىرتكى، ءبىرشاما ءومىر ازابىن بەرەتىنى بارىمىزگە ءمالىم. بۇل جاعداياتتاردىڭ ءبارىن بىلمەسەك تە، تەلەحابارلاردان كورىپ دەنەمىز تىتىركەنەدى. ادام بالاسى تەك جاقسى ىستەرگە لايىقتى. «زامانىڭ تۇلكى بولسا، تازى بولىپ شال» دەمەكشى، بۇگىنگى جاستار، اسىل دوستارىم جىلتىراعان ارزان ارباۋعا الدانباڭدار. قازىرگى تاڭدا تاۋەلدىلىك زاتى ەسىرتكىنى تۇتىنۋ، تاراتۋ جاعدايلارى ۇزىلەتىن ءجىپ سەكىلدى ەمەس، تاپ ءبىر جاڭبىر سەكىلدى تولاستاماي تۇرعانى جانعا باتادى. جاس شىبىق، جاس ۇرپاق ىزدەرى كورىنبەيتىن، ىس-ارەكەتتەرى بىلىنبەيتىن ارزان الداۋدىڭ قۇرىشىندا جۇرگەندە، ءبىز قالاي جاقسى ءومىر سۇرمەكپىز. بۇگىنگى كۇن، بۇگىنگى ساتتەن باستاپ دەنساۋلىق ۇرانىن بەلسەنە قولدانىپ، سالاۋاتتى ءومىر سۇرۋگە بارشا دوستارىمدى شاقىرامىن.
قامشىنىڭ سابىنداي عانا قىسقا عۇمىردا ادامزات بالاسىنا بىرىگىپ جەتەمىن دەسە جەڭىس تە، بىرىگىپ تاتامىز دەسە بال تاتىعان جەمىسى دە كوپ. تەك قانا ماقساتتارىڭ ايقىن بولسىن....