XIX-جازعى ازيا ويىندارى: الماتىلىق سپورتشىلار وزدەرى قاتىسقان جارىستار تۋرالى ايتىپ بەردى
23 قىركۇيەك پەن 8 قازان ارالىعىندا قىتايدىڭ حانچجوۋ قالاسىندا XIX-جازعى ازيا ويىندارى ءوتتى. قازاقستاندىق سپورتشىلار 10 التىن، 22 كۇمىس جانە 48 قولا مەدال جەڭىپ الدى. جۇلدەگەرلەر اراسىندا الماتىلىق سپورتشىلار دا بار. ولار وزدەرىنىڭ جەتىستىكتەرى جانە ناتيجەلەرىمەن الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا ءبولىستى، دەپ حابارلايدى اlmaty-akshamy.kz.
جاعاجاي ۆولەيبولىنان قازاقستان قۇراماسىنىڭ باس جاتتىقتىرۋشىسى دەنيس روۆكين ءبىزدىڭ سپورتشىلاردىڭ قالاي ونەر كورسەتكەنىن ايتىپ، كەلەسى جىلعا ارنالعان جوسپارلارىمەن ءبولىستى.
«ازيادا ءتۋرنيرى بيىلعى جىلى ءبىز ءۇشىن سوڭعى بولدى جانە جاعاجاي ۆولەيبول ماۋسىمىن وسىنداي جاقسى نوتادا اياقتاعانىمىز وتە قۋانىشتى. قازاقستاندىق جاعاجاي ۆولەيبولىنا ارنالعان ازيا ويىندارىنداعى قولا مەدال ءبىزدىڭ قورجىنىمىزدا 2014 جىلعى التىن مەدالدىڭ بارىنا قاراماستان، ۇلكەن جەتىستىك. ءبىراق قازىرگى ۋاقىتتا بۇل ءبىز ءۇشىن وتە جاقسى، جوعارى جەتىستىك. ءبىزدىڭ جاقىن جوسپارىمىزدا وليمپيادا ويىندارىنا ىرىكتەۋدەن ءوتۋ كەرەك، ونىڭ ەكىنشى كەزەڭى قازاقستاندا وتەدى»، - دەدى د.روۆكين.
جاعاجاي ۆولەيبولىنان قازاقستان قۇراماسىنىڭ قورجىنىنا سەرگەي بوگوتۋ مەن دميتريي ياكوۆليەۆ قولا مەدال سالدى. سپورتشىلار ويىننان العان اسەرلەرىمەن ءبولىسىپ، جازعى ازيا ويىندارىنا قاتىسۋ تاجىريبەسى تۋرالى ايتىپ بەردى.
«جالپى،بۇل - مەنىڭ ازيا ويىندارىنا ەكىنشى رەت قاتىسۋىم. تۋرنيرگە ءبىر اپتا قالعاندا مەن اۋىرىپ قالدىم، جولدا، ياعني ۇشاقتا ويىندار باستالعانعا دەيىن بىرتىندەپ وز-وزىمە كەلە باستادىم. ويىندار وتە جاقسى ءوتتى، ءبىز ءبارىن جاسادىق جانە ءار ويىن ايىن كوتەرىلىپ وتىردىق. ءبىز ءىس جۇزىندە السىزدەۋ وينادىق، ناتيجە مۇلدەم باسقاشا بولۋى مۇمكىن ەدى، ويتكەنى كوماندا وتە مىقتى بولدى. بۇل كوماندا ەڭ مىقتى جۇپتاردى جەڭدى، جانە ءبىزدىڭ ولارمەن قالاي ويناعانىمىزدى كورۋ كەرەك ەدى. شىن مانىندە، ءبىزدىڭ جۇپقا ارنالعان تۋرنير تاريحي ءسات بولدى، بۇل مەدال ءبىزدىڭ سپورت تۇرىنە قاجەت ەدى»، - دەپ اتاپ ءوتتى سەرگەي بوگوتۋ.
ونىڭ سەرىكتەسى ياكوۆليەۆ دميتريي جارىس كەزىندە اۋا - رايى ءجيى وزگەرگەنىن اتاپ ءوتتى - سپورتشىلاردىڭ جاڭبىرلى اۋا-رايىندا دا، جوعارى تەمپەراتۋرادا دا، قاتتى جەلدە دە ويناۋعا تۋرا كەلدى.
«ءبىزدىڭ سپورت ءتۇرىنىڭ ەرەكشەلىگى – ءبىزدىڭ كەز-كەلگەن اۋا-رايىندا ويناۋعا دايىن ەكەندىگىمىزدە. اۋا-رايىنا شىنىمەن بەيىمدەلە الاتىن ادام مەدال جەڭىپ الىپ، ماچتا جەڭىسكە جەتەدى. سوندىقتان ءبىز ءۇشىن ءبارى جاقسى بولدى، ءبارى ۇنادى»، - دەپ تولىقتىردى ول.
سونىمەن قاتار، وق اتۋدان ونەر كورسەتكەن سپورتشىلار، ازيا ويىندارىنىڭ قولا جۇلدەگەرلەرى الەكساندرا لە مەن يسلام ساتبايەۆ اۋا-رايىنىڭ قولايلى بولعانىن اتاپ ءوتتى. وق اتۋ جابىق جەردە دە، اشىق جەرلەردە دە وتكىزىلەدى.
«اۋا-رايىنىڭ ءبىز ءۇشىن دە ماڭىزى زور. وتە ىستىق بولىپ، قاپىرىق تۇردى، ءبىراق ءبىز مەدال العان 10 مەترلىك قاشىقتىق جابىق جەردە وتكىزىلەدى، جانە مۇنداي كەزدە ادەتتەگىدەي، كونديسيونەرلەردىڭ قوسىلىپ تۇراتىنى بەلگىلى، سىرتقى جانە ىشكى تەمپەراتۋرانىڭ تومەندەۋى دە اسەر ەتەدى، ءبىراق ءبىزدىڭ مۇندايمەن ۇشىراسۋىمىز ءبىرىنشى رەت ەمەس، سوندىقتان مۇنداي جايتتارعا الدىن الا دايىندالدىق. سونداي-اق، بىزدە 50 مەترلىك قاشىقتىق بار، ول اشىق اتىس الاڭىندا وتكىزىلەدى جانە جاقسى اتۋ ءۇشىن بارلىق اۋا-رايى جاعدايلارى ەسكەرىلەدى. ءبىز اتقان كۇنى اۋا رايى وتە جاقسى بولدى، جاڭبىر جاۋعان جوق، ءتىپتى قاتتى جەل دە بولعان جوق»، - دەدى الەكساندرا لە.
وق اتۋ كومانداسىنىڭ وكىلى يسلام ساتپايەۆ بۇل پسيحولوگيالىق دايىندىق پەن تەحنيكالىق جاعى وتە ماڭىزدى تەحنيكالىق سپورت ءتۇرى ەكەنىن اتاپ ءوتتى. ول سونداي-اق 2012 جىلى سپورتقا دوستارىنىڭ ۇسىنىسى بويىنشا كەلگەنىن جانە ونىمەن كاسىبي تۇردە اينالىسۋعا شەشىم قابىلداعانىن ايتتى.
ۇلتتىق قۇرامانىڭ قورجىنىنا تاعى ءبىر قولانى سپورتتىق گيمناستيكادا ونەر كورسەتەتىن ناريمان قۇربانوۆ الىپ كەلدى، ول ءۇشىن ازيا ويىندارى وسى ماۋسىمدا اياقتاۋشى بولدى.
«بيىلعى جىلى ازيا ويىندارى الەم چەمپيوناتىمەن تۇسپا-تۇس كەلدى. ياعني، ليسەنزيالىق الەم چەمپيوناتى جانە ءبىز ءۇشىن اسا ماڭىزدى ازيا ويىندارى ءتۋرنيرى ءبىر كۇندە ءوتتى. ءبىز قيىن شەشىم قابىلدادىق، مەنى كوماندا كوشباسشىسىنىڭ ءبىرى رەتىندە جالعىز ءوزىمدى ازيا ويىندارىنا جىبەردى، ال قالعان كوماندا الەم چەمپيوناتىنا باراتىن بولدى. سەبەبى، مەدالدار، ليسەنزيالار بارلىق تۋرنيرلەردەن قاجەت بولدى. ءبىراق، ءبىز ءساتتى ونەر كورسەتتىك، ازيا ويىندارىندا ءبىزدىڭ سپورتتان شامامەن 15 جىل ىشىندە العاش رەت مەدال ءتيدى، 20 جىلدان استام ۋاقىت ىشىندە الەم چەمپيوناتىنداعى العاشقى مەدال جانە وليمپيادا ويىندارىنا ليسەنزيا ميلاد كاريميدەن كەلدى . ەندى الدا الەم كۋبوگىنىڭ ليسەنزيالىق كەزەڭدەرى وتەتىن اقپان ايىنا دايىندىق كۇتىپ تۇر»، - دەپ ءبولىستى ول.
2023 جىلعى گرەك-ريم كۇرەسىنەن ازيا ويىندارىنىڭ قولا جۇلدەگەرى ازات سادىقوۆ ازيا ويىندارىنىڭم جوعارى دەڭگەيدە ۇيىمداستىرىلعانىن اتاپ ءوتتى. ناتيجەلەرگە كەلەتىن بولساق، سپورتشىنىڭ پىكىرىنشە، كوپشىلىككە ساتتىلىك جەتپەي قالعان.
«مەن ناقتى گرەك-ريم كۇرەسى تۋرالى ايتايىن، بالكىم، بىرەۋدىڭ جولى بولماعان شىعار، دايىندىق جاقسى بولعانىمەن، بارلىعى ءجۇز پايىزعا دايىن بولدى جانە ءبىز جىل بويى دايىندالدىق. ماعان كەلەتىن بولساق، جاراقاتتاردى ەمدەپ، كەلەسى جارىستارعا دايىندالۋ كەرەك. ءبىراق، جالپى ايتقاندا، بىرەۋگە موتيۆاسيا، بىرەۋگە دەمەۋشىلەر جەتپەي قالعان شىعار. بالالاردىڭ بىرەۋىنە كەلەسى قادام جەتپەي جاتادى، كوبىسى سپورتتى باسىندا-اق تاستاپ كەتەدى»، - دەدى ا. سادىقوۆ.
سۋ دوبىنان قازاقستاننىڭ ەرلەر كومانداسى دا قولا مەدال جەڭىپ الدى. بۇل سپورت ءتۇرى قازاقستاندا اسا دامىماعانىمەن، جاس ۇرپاقتىڭ بەلگىلى ءبىر قىزىعۋشىلىعى بار، دەپ اتاپ ءوتتى ۆاتەرپوليست جانە قولا جۇلدەگەر رۋستام ۋكۋمانوۆ.
«ءبىزدىڭ ءوز چەمپيوناتىمىز جوق، جاس ۇرپاق ويناپ، جاتتىعىپ جاتقانمەن، سودان كەيىن ولار وزدەرىنىڭ سپورتتىق مانسابىن جالعاستىرا الاتىن كلۋب جوق. بىزدە وتىز جىل بويى ءبىر عانا كلۋب بار. ادامدار سۋ پولوسى تۋرالى بىلمەيدى - ءبارى بۇل سپورتتى سۋ تۇبىنە جەتكىزۋ دەيىن وينايدى دەپ ويلايدى. شىن مانىندە ولاي ەمەس، ءبىز ەرەجەلەرگە سايكەس تۇبىنە تيگىزبەۋىمىز كەرەك، ول كەم دەگەندە ەكى مەتر بولۋى كەرەك»، - دەدى ر. ۋكۋمانوۆ
جاعاجاي ۆولەيبولىنىڭ سپورتشىلارى دا قيىندىقتار تۋرالى ايتتى. قۇمدا ويناۋ ءۇشىن سپورتشىلارعا ءتيىستى جاعداي قاجەت، ال ول ءىس جۇزىندە جوق جانە قازىرگى ۋاقىتتا قول جەتىمدى بولماي وتىر.
«جىلدىڭ 6-7 ايىندا ءبىزدىڭ قۇمدا جاتتىعۋ مۇمكىندىگىمىز جوق. قازان مەن ناۋرىز ايلارى ارالىعىندا ءبىز قاتال كليماتتىق جاعدايلارعا بايلانىستى اشىق اۋادا جاتتىعۋعا مۇمكىندىگىمىز جوق. جاعاجاي ۆولەيبولىنىڭ ەڭ ۇلكەن پروبلەماسى - بىزدە قۇمى بار سپورت زالى جوق. ەگەر بۇرىن فەدەراسيانىڭ جاقسى قارجىلاندىرۋىمەن بىزدە جىلى ەلدەردە جاتتىعۋعا، تايلاندتا، برازيليادا، يسپانيادا وقۋ-جاتتىعۋ جيىندارىنان وتۋگە مۇمكىندىك بولسا، قازىرگى ۋاقىتتا ۆولەيبول فەدەراسياسىنىڭ قارجىلىق قولداۋى بولماسا، ءبىز سپورت زالىندا جاتتىعۋعا ءماجبۇرمىز. بۇل ءبىزدىڭ نەگىزگى ماۋسىمعا دايىندىعىمىزعا كەرى اسەر ەتەدى. الماتى قالاسىندا قۇمى بار شاعىن سپورت زالىن سالۋ مۇمكىندىگى بار دەپ ۇمىتتەنەمىز»، - دەپ ءبولىستى جاعاجاي ۆولەيبولىنان قازاقستان قۇراماسىنىڭ باس جاتتىقتىرۋشىسى دەنيس روۆكين.
سوڭىندا ازيادا جۇلدەگەرلەرى الماتىلىقتار مەن بۇكىل ەل تۇرعىندارىن سپورت زالدارىنا كەلۋگە، سپورتپەن شۇعىلدانۋعا شاقىردى. سونداي-اق، سپورتشىلار كەلە جاتقان قازاقستان رەسپۋبليكاسىنىڭ كۇنىمەن قۇتتىقتادى.