بۇعان دەيىن بۇل قىزمەتتە بولعان باسشىنىڭ سوتتالىپ كەتكەنىن بۇرىن حابارلاعانبىز.
ق ر تجم بۇيرىعىمەن الماتى قالاسى توتەنشە جاعدايلار دەپارتامەنتىنىڭ باستىعى بولىپ پولكوۆنيك نۇرلان اتىعايەۆ تاعايىندالدى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
نۇرلان اتىعايەۆ 1978 جىلى كوكشەتاۋ وبلىسىندا دۇنيەگە كەلگەن. قازاقستان رەسپۋبليكاسى توتەنشە جاعدايلار اگەنتتىگىنىڭ كوكشەتاۋ تەحنيكالىق ينستيتۋتىن بىتىرگەن.
ەڭبەك جولىن سولتۇستىك قازاقستان وبلىسى مەملەكەتتىك ورتكە قارسى قىزمەتىنىڭ ايىرتاۋ اۋدانى № 7 ءورت ءسوندىرۋ ءبولىمىنىڭ ينسپەكتورى بولىپ باستاعان. ءار جىلدارى سولتۇستىك قازاقستان وبلىسىنىڭ توتەنشە جاعدايلار دەپارتامەنتى تايىنشا اۋدانى توتەنشە جاعدايلار ءبولىمىنىڭ باستىعى، مەملەكەتتىك ءورت باقىلاۋ باسقارماسىنىڭ باستىعى، دەپارتامەنت باستىعىنىڭ ورىنباسارى لاۋازىمىندا قىزمەت اتقاردى. 2020 جىلدىڭ جەلتوقسان ايىنان 2023 جىلعى قازان ايىنا دەيىنگى ارالىقتا اقمولا وبلىسى توتەنشە جاعدايلار دەپارتامەنتى باستىعىنىڭ ورىنباسارى قىزمەتىن اتقارعان.