الماتىدا ەر ادام جالعا العان كولىكتى قۇجاتسىز ساتىپ جىبەرگەن

الماتى قالاسى المالى اۋدانىنىڭ پوليسەيلەرى الاياقتىق جاسادى دەگەن كۇدىكتىنى ۇستادى.

الماتى وبلىسىنىڭ 38 جاستاعى تۇرعىنى اقشا تابۋدىڭ “قاراپايىم” ءادىسىن ويلاپ تاپقان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«كولىكتەردى جالعا الىپ، GPSء-ىن الىپ تاستاپ، ءۇشىنشى ادامدارعا كولىكتىڭ قۇجاتى جوق دەگەن جەلەۋمەن ارزانداتىلعان باعامەن ساتىپ جىبەرگەن. ال اقشانى ءوز قالاۋى بويىنشا جۇمساعان. تەرگەۋدىڭ وسى كەزەڭىندە 1985 جىلى تۋعان و.ەسىمدى ازاماتتىڭ وسىعان ۇقساس الاياقتىقتىڭ 5 دەرەگىنە قاتىسى بارى انىقتالدى. قىلمىستىق ىستەر ق ر قك-نىڭ 190-بابى 3-بولىگىنە سايكەس تەرگەلىپ جاتىر. ايىپتالۋشى ءقازىر ۋاقىتشا ۇستاۋ يزولياتورىندا وتىر. ازاماتتاردى ەگەر ونى تانىعان جاعدايدا، بىزگە مىنا تەلەفوندار ارقىلى حابارلاسۋعا شاقىرامىز: 8-705-555-77-63؛ 8-775-747-77-78 جانە 8-778-591-91-35»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.