بۇعان دەيىن دە وليمپيادالاردا فورما تۋرالى سىن پىكىرلەر ايتىلىپ جۇرگەن.
تاعى ءبىر سپورتشىمىز ازياداعا ارناپ تىگىلگەن كيىمنىڭ ساپاسىزدىعىنا شاعىمداندى، دەپ حابارلايدى Almaty-akshamy.kz
بۇل جولى قازاقستاندىق كيبەرسپورتشى ءانۋار حالىقبەرگەنوۆ اياق كيىمىنىڭ جارىستىڭ ەكىنشى كۇنى-اق جىرتىلىپ قالعانىن مالىمدەدى. ونىڭ ايتۋىنشا، سپورتتىق ۇلگىدە تىگىلگەن فورمانىڭ كەي ءتۇرى ءبىرىنشى كۇنى-اق جىرتىلىپ قالعان.
«ءبارى ءبىرىنشى كۇنى-اق جىرتىلىپ، جيىرىلىپ، سوگىلىپ قالدى. كوبى مەنەن شىنىمەن ساپاسى سىن كوتەرمەي مە دەپ، فورما جايلى سۇراپ جاتىر. ءيا، راسىمەن سولاي. تەك ۇستىمدەگى پولو عانا امان قالدى. قالعانىنىڭ ءبارى ءبىرىنشى كۇنى-اق جىرتىلىپ، جيىرىلىپ، سوگىلىپ قالدى. ال بەرگەن شورتىلارى مەن كيەتىن ولشەمنەن 10 ەسە ۇلكەن شىعار، ونى دا كيە المادىم، - دەدى سپورتشى.