قىتايدىڭ حانچجوۋ قالاسىندا ءوتىپ جاتقان XIX جازعى ازيا ويىندارىندا گاندبولدان قازاقستان ايەلدەر قۇراماسى ەكىنشى كەزدەسۋىندە وزبەكستاننان باسىم ءتۇستى، دەپ حابارلايدى Almaty-akshamy.kz.
قازاقستاندىق گاندبولشىلار ا توبىندا سىنعا تۇسەدى. قارسىلاستارى - وڭتۇستىك كورەيا، تايلاند جانە وزبەكستان.
ەكىنشى كەزدەسۋىندە ەل قۇراماسى وزبەكستاندى 37:33 ەسەبىمەن تىزە بۇكتىردى.
ەسكە سالسا، العاشقى ويىنىندا ولار تايلاندتان 44:20 ەسەبىمەن باسىم تۇسكەن ەدى.
ەندى قازاقستاندىق گاندبولشىلار 30 قىركۇيەكتە وڭتۇستىك كورەيامەن شەبەرلىك بايقاسادى.
ءاربىر توپتان العاشقى ەكى ورىنداعى قۇرامالار جارىستىڭ كەلەسى ساتىسىنا شىعىپ، جۇلدەلەردى ساراپقا سالۋعا مۇمكىندىك الدى.