عۇسمان ايمۇحانبەت ۇلى جاپاروۆ ەسىمىن بىرەۋ بىلسە، بىرەۋگە تانىس ەمەس بولار.
بۇل كىسى ىشكى ىستەر سالاسى مەن مەملەكەتتىك كۇزەتكە ەڭبەگى سىڭگەن جەرلەسىمىز، پرەزيدەنت گەيدار الييەۆتىڭ قاسىندا ءجۇرىپ ون بەس جىل بويى وققاعارى بولعان، دەپ حابارلايدى Almaty-akshamy.kz.
عۇسمان جاپاروۆتىڭ ەسىمى ازەربايجاندا «وسمان پاشا» دەگەن اتپەن ايگىلى بولعان. جەرلەسىمىز ءتىرى بولعاندا بيىل 100 جاسقا تولار ەدى. وزىنەن كەيىن قالعان ەكى قىزى باكۋدە تۇراتىن كورىنەدى.
جاقىندا قازاقستاننىڭ ازەربايجانداعى ەلشىسى ءالىم بايەل باستاعان توپ عۇسمان جاپاروۆتىڭ باسىنا باردى. نەمەرە-جيەنى مارات جاپاروۆ اتاسىنىڭ زيراتىنا كەلىپ، اۋلەتى اتىنان ريزاشىلدىعىن ءبىلدىردى.