باكۋدا قازاقستاننىڭ ازەربايجانداعى مادەنيەت كۇندەرى تابىستى ءوتتى. قازاق-ازەربايجان قارىم-قاتىناستارىن نىعايتۋ ماقساتىندا ءوزارا مادەني كۇندەردى وتكىزۋ تۋرالى تاپسىرمانى بيىل مەملەكەت باسشىلارى قاسىم-جومارت توقايەۆ پەن يلحام الييەۆ بەرگەن بولاتىن.
ءىس-شارالارعا قازاقستان رەسپۋبليكاسىنىڭ مادەنيەت جانە اقپارات ءمينيسترى ايدا بالايەۆا مەن قازاقستاننىڭ ازەربايجانداعى ەلشىسى ءالىم بايەل قاتىستى.
مادەنيەت كۇندەرى اياسىندا «حاسساق» ەتنو-فولكلورلىق توبىنىڭ جەكە كونسەرتى مەن ع. مۇسىرەپوۆ اتىنداعى قازاق مەملەكەتتىك اكادەميالىق تەاترى قويعان «قاراكوز» سپەكتاكلىنىڭ كورسەتىلىمى ۇيىمداستىرىلدى.
قورىتىندى مادەني شارالار 2023 جىلدىڭ 4 جەلتوقسانىندا گەيدار الييەۆ ورتالىعىندا ءوتتى. مۇندا قازاقستاننىڭ بەينەلەۋ ونەرىنىڭ كورمەسى اشىلدى، وندا ءارتۇرلى جانرلار مەن ستيلدەردە جۇمىس ىستەيتىن قازاقستاندىق جاس سۋرەتشىلەردىڭ 46 بىرەگەي جۇمىستارىنىڭ ەكسپوزيس
ياسى ۇسىنىلدى.
مينيستر ا.بالايەۆا كورمەنىڭ ەكى حالىقتىڭ مادەني جاڭعىرۋىنىڭ كورىنىسى ەكەنىن اتاپ ءوتتى. كورمەدە كەسكىندەمە، گرافيكا، كەستەلەۋ، ساندىك-قولدانبالى ونەر سياقتى بەينەلەۋ ونەرىنىڭ ءداستۇرلى تۇرلەرىمەن قاتار جاڭا تۇرلەرى – ينستاللياسيالار مەن ارت-نىساندار قويىلدى.
ءوز تۋىندىلارىن كورمەگە قويعان سۋرەتشىلەردىڭ قاتارىندا اسەل سابىرجان قىزى دا بولدى. جاس سۋرەتشى ەرەكشە كىلەمگە سۋرەت سالۋ تەحنيكاسىن قولدانادى. سونىڭ ىشىندە تۇركى تاريحىنان 14 ايەل بەينەسىن جاساعان. ول ازەربايجان كىلەم مۇراجايىن ارالاپ، كورگەنىنەن شابىتتانىپ، كورنەكتى اقىن حۋرشيدبانۋ ناتاۆاننىڭ پورترەتىن سالدى. پورترەت ازەربايجان ءماجىلىسىنىڭ ءتورايىمىنا تابىس ەتىلدى.
مادەنيەت كۇندەرى قازاقستان ونەر شەبەرلەرىنىڭ سالتاناتتى گالا-كونسەرتىمەن اياقتالدى. شاراعا ازەربايجان پارلامەنتىنىڭ ءتورايىمى ساحيبا گافاروۆا، مينيسترلەر، كاۆكاز مۇسىلماندارى باسقارماسىنىڭ ءتوراعاسى، دەپۋتاتتار، شەت مەملەكەتتەردىڭ ەلشىلەرى، حالىقارالىق ۇيىمداردىڭ باسشىلارى، كوپتەگەن كورنەكتى مادەنيەت، عىلىم جانە ونەر قايراتكەرلەرى قاتىستى.
قۇتتىقتاۋ سوزىندە ق ر مادەنيەت جانە اقپارات ءمينيسترى ازەربايجاننىڭ قازاقستان ءۇشىن تاتۋ كورشى، ادال دوس جانە باۋىرلاس ەل ەكەنىن ايتىپ، تۇركى الەمىن بىرگە دامىتىپ كەلە جاتقانىمىزعا نازار اۋداردى. ايدا بالايەۆا ازەربايجاننىڭ مادەنيەت ءمينيسترى ءادىل كەريمليگە جانە قازاقستاننىڭ ازەربايجانداعى ەلشىسى ءالىم بايەلگە، سونداي-اق ولاردىڭ ۇجىمدارىنا مادەنيەت كۇندەرىن جوعارى دەڭگەيدە وتكىزۋگە جان-جاقتى قولداۋ كورسەتكەندەرى ءۇشىن شىنايى العىسىن ءبىلدىردى.
گالا-كونسەرتتە قازاقستاننىڭ حالىق ءارتىسى روزا رىمبايەۆا، «قۇرمەت» وردەنىنىڭ يەگەرى زارينا التىنبايەۆا، قازاقستاننىڭ ەڭبەك سىڭىرگەن قايراتكەرلەرى الىشەر كارىموۆ، مەدەت چوتابايەۆ، ايگەرىم بەكەتايەۆا، «سالتانات» مەملەكەتتىك بي ءانسامبلى، «IL Canto»، «ۆيولا»، «T&Y» ۇيىمدارى فيكرەت ءامىروۆ اتىنداعى ازەربايجان مەملەكەتتىك ءان-بي ءانسامبلى، «ۇلىتاۋ» توبى جانە «سازگەن سازى» ءانسامبلى ونەر كورسەتتى. ازەربايجان جۇرتشىلىعى كونسەرتكە ءتانتى بولدى.
مادەنيەت كۇندەرى اياسىندا رەسمي كەزدەسۋلەر دە ءوتتى. ازەربايجان پرەزيدەنتىنىڭ كومەكشىسى حيكمەت گادجييەۆپەن كەزدەسۋدە مادەنيەت جانە اقپارات سالاسىنداعى ەكىجاقتى ىنتىماقتاستىقتىڭ كەلەشەگى تالقىلاندى.
«ازەربايجان ءۇشىن قازاقستانمەن ستراتەگيالىق قارىم-قاتىناستار باسىمدىققا يە. ءبىزدى قازاقستاننىڭ كينەماتوگرافيالىق تاجىريبەسى ەرەكشە قىزىقتىرادى. سىزدەردە انيماسيا جاقسى دامىعان»، - دەدى ح.گادجييەۆ كەزدەسۋ بارىسىندا. ا.بالايەۆا بۇل باعىتتا قولداۋ كورسەتۋگە ۋادە بەردى. شاكەن ايمانوۆ اتىنداعى «قازاقفيلم» ۇلتتىق كينوستۋدياسىنىڭ مۇراعاتى، انيماسيالىق فيلمدەر مەن «بالاپان» بالالار ارناسىنىڭ كونتەنتى ازەربايجانعا بەرىلەتىن بولادى.
مينيستر، سونداي-اق، ح.گادجييەۆتىڭ جالعان اقپاراتپەن كۇرەسۋ بويىنشا حالىقارالىق مەديا-فورۋم وتكىزۋ تۋرالى باستاماسىن قولدادى. تاراپتار ازەربايجانداعى كابەلدىك وپەراتورلار جەلىلەرىندە قازاقستاندىق «بالاپان»، «حابار 24»، «Qazaqstan» تەلەارنالارىن كورسەتۋ جانە ازەربايجاندىق CBC TV تەلەارناسىن قازاقستاندا تاراتۋ ماسەلەلەرىن تالقىلادى.
ايدا بالايەۆا ازەربايجاننىڭ مادەنيەت ءمينيسترى ءادىل كەريمليمەن دە كەزدەستى. «ءبىزدىڭ ەلدەرىمىز مادەنيەت سالاسىنداعى ءوزارا ءتيىمدى ىنتىماقتاستىقتى تابىستى دامىتۋدا. ءبىز انيماسيالىق فيلمدەر ءتۇسىرۋ، عىلىمي جوبالاردى جۇرگىزۋ، عىلىمي ءتۋريزمدى، مادەني ۆولونتەرلىك، كىتاپ شىعارۋدى دامىتۋ جۇمىستارىن كۇشەيتۋگە، اتاپ ايتقاندا، كوركەم ادەبيەتتى قازاق تىلىنەن ازەربايجان تىلىنە، ازەربايجان تىلىنەن قازاق تىلىنە اۋدارۋ، ازەربايجاندىق شەبەرلەردىڭ قاتىسۋىمەن جاس سۋرەتشىلەرىمىزگە شەبەرلىك ساباقتارىن وتكىزۋگە مۇددەلىمىز»، - دەدى ا.بالايەۆا كەزدەسۋدە.
ءوز كەزەگىندە ءادىل كەريملي ارىپتەسىنە ازەربايجاندىق كورەرمەندەر ءۇشىن دايىنداعان باي مادەني باعدارلاما ءۇشىن العىسىن ءبىلدىردى. تاراپتار مادەنيەت، مۇراعات ءىسى، اقپارات، ۆولونتەرلىك جانە جاستار ساياساتى سالالارىنداعى ىنتىماقتاستىقتى قامتيتىن جول كارتاسىن تالقىلادى.
كاۆكاز مۇسىلماندارى باسقارماسىنىڭ ءتوراعاسى اللاhشۇكۇر پاشازادەمەن كەزدەسۋدە رۋحاني ىنتىماقتاستىق ماسەلەلەرى تالقىلاندى. جيىنعا ءدىني ۇيىمدارمەن جۇمىس جونىندەگى مەملەكەتتىك كوميتەتتىڭ ءتوراعاسى مۋباريز گۋربانلى، ازەربايجان پارلامەنتىنىڭ ۆيسە-سپيكەرى فازايل يبراحيملي، سونداي-اق دەپۋتاتتار، زيالى قاۋىم جانە ءتۇرلى ءدىني كونفەسسيا وكىلدەرى قاتىستى.
ا.بالايەۆا جينالعاندارعا پرەزيدەنت توقايەۆتىڭ باسشىلىعىمەن قازاقستاندا بولىپ جاتقان وزگەرىستەر تۋرالى ايتىپ، قازاقستان مەن ازەربايجاننىڭ بارلىق سالالارداعى جەمىستى ىنتىماقتاستىعى جالعاسا بەرەتىنىنە سەنىم ءبىلدىردى.
ءوز كەزەگىندە شەيح پاشازادە الەمدىك جانە ءداستۇرلى دىندەر ليدەرلەرى سەزىنىڭ ماڭىزدىلىعىنا توقتالدى. ول ءوزىنىڭ سەزگە تۇراقتى قاتىسۋشى ەكەنىن جانە قازاقستانعا ءاردايىم ۇلكەن قۋانىشپەن كەلەتىنىن اتاپ ءوتتى. پاشازادە استاناداعى سەزدى ءدىن، مەملەكەتتىك جانە قوعام قايراتكەرلەرىنىڭ باسىن قوساتىن ەرەكشە ديالوگ الاڭى رەتىندە اتاپ ءوتتى.
ءىس-شارالار اياسىندا ازەربايجاننىڭ جاستار جانە سپورت ءمينيسترى فاريد گايبوۆپەن دە كەزدەسۋ ءوتتى. تاراپتار جاستار ساياساتى سالاسىنداعى ىنتىماقتاستىق پەرسپەكتيۆالارىن تالقىلادى.
2024 جىلى ازەربايجاننىڭ قازاقستانداعى مادەنيەت كۇندەرى وتەدىد ەپ جوسپارلانۋدا.