ەلىمىزدىڭ باس پروكۋراتۋرسى ازاپتاۋ قىلمىستارىن تەك پروكۋراتۋرا ورگاندارى تەرگەي الاتىنداي قىلمىستىق-پروسەستىك كودەكسكە تۇزەتۋلەر جوباسىن دايىندادى.
بۇل جوبا ءقازىر پارلامەنت قاراۋىنا جىبەرىلگەن. ويتكەنى تەرگەۋشىلەر ازاپتاۋشى ارىپتەستەرى مەن قىلمىستى اشۋعا قاجەتتى دالەلدەردى جاسىراتىنى بەلگىلى بولدى. سوندىقتان ازاپتاۋلارعا بايلانىستى قىلمىستار ءۇشىن جازانى كۇشەيتۋ كوزدەلگەن، دەپ حابارلايدى Almaty-akshamy.kz.
وندا ازاپتاۋ ءۇشىن باس بوستاندىعىنان ايىرۋ جازاسىنىڭ ەڭ ۇزاق مەرزىمى 10 جىلدان 12 جىلعا دەيىن ۇزارتىلعان. ال، راقىمشىلىق، ەسكىرۋ مەرزىمى مەن تاراپتاردىڭ تاتۋلاسۋى نەگىزىندە قىلمىستىق جاۋاپتىلىقتان بوساتۋ مۇلدەم جويىلماق.