ادامزاتتىڭ نازىك جاندى وكىلدەرى گەندەرلىك ستەرەوتيپتەردى تاعى دا جوققا شىعارۋدا.
تەك قىزداردان قۇرالعان ەكيپاج تاراز اەرودرومىنداعى ازاماتتىق اۆياسيا اكادەمياسىندا ۇشۋ تاجىريبەسى تاريحىنداعى العاشقى رەيسىن جاسادى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
تاريحي ەكيپاج قۇرامىندا نۇسقاۋشى ۇشقىش ادەلينا لۋسەنكو مەن ستۋدەنت ەكاتەرينا ستەپينا بولعان. نازىك جاندىلار Tecnam 2002JF ءبىر قوزعالتقىشتى وقۋ-جاتتىعۋ ۇشاعىندا اسپانعا كوتەرىلدى.
«سەزىم نەگىزىنەن كەز كەلگەن باسقا ۇشۋ كەزىندەگىدەي. مەن ءۇشىن بۇل وزىنەن-وزى تۇسىنىكتى جاعداي. وقۋ كەزىندە مەنىڭ دە ەكى ايەل نۇسقاۋشى بولعان ەدى. وسىعان قاراماستان، اكادەميانىڭ العاشقى ايەل ەكيپاجى بولعاندىقتان، ءوزىمدى ماقتان تۇتامىن. سونىمەن قاتار، وسى تاريحي وقيعا تەك 2024 جىلى بولعانى وكىنىشتى»، -- دەپ بولىسەدى ادەلينا.
قازىرگى ۋاقىتتا جاس نۇسقاۋشىعا ەكى ستۋدەنت تىركەلگەن. بيكەش ولارعا ۇشۋ تاجىريبەسى بويى اسپاندى قالاي باعىندىرۋدى ۇيرەتپەك.
ايتا كەتەيىك، ادەلينا لۋسەنكو بۇعان دەيىن يسپانيادا ەۋروپالىق اۆياسيالىق قاۋىپسىزدىك اگەنتتىگىنىڭ (EASA) سەرتيفيكاتتاۋىنان وتكەن بولاتىن. ول حالىقارالىق دارەجەدەگى نۇسقاۋشى ۇشقىش بولىپ سانالادى.
*ازاماتتىق اۆياسيا اكادەمياسىندا ۇشقىشتان بولەك تاعى 11 ماماندىق بويىنشا وقۋ جۇرگىزىلۋدە.