ءاپپاق شۇلىق - ءاربىر ادامنىڭ گاردەروبىندا كەزدەسەدى. الايدا شۇلىقتى جۋعان سوڭ باستاپقى رەڭى قالپىنا كەلە قويمايتىن جايت بارلىعىنىڭ باسىنان وتكەن. ءۇي شارۋاشىلىعى بويىنشا ساراپشىلار قانداي ونىمدەر اق ءتۇستى شۇلىقتاردى اعارتۋدىڭ بىرنەشە جولىن ۇسىندى، دەپ حابارلايدى Almaty-akshamy.kz.
تابانى قارايعان اق شۇلىقتى قالاي جۋۋعا بولادى؟
اق شۇلىقتى جۋۋعا جانە سۋعا سالىپ كىرىن ەزۋ ءۇشىن ليمون قىشقىلى مەن شىرىنىن، سۋتەگى اسقىن توتىعىن، اس سوداسى مەن سىركە سۋىن، اعارتقىش جانە ءاسپيريندى قولدانۋعا بولادى. ليمون قىشقىلى مەن شىرىنى ماتاداعى تالشىقتارىنا قاراماستان، اپپاق شۇلىقتار كيىلگەننەن كەيىن سۇر بولا باستايدى. ءۇي شارۋاشىلىعى بويىنشا ساراپشى مەري مارلوۋ ليەۆەرەتت اق ءتۇستى شۇلىقتى ليمون قىشقىلىمەن جانە ليمون شىرىنىمەن اعارتۋعا كەڭەس بەرەدى. ليمون قىشقىلى ماتانى جۇمساق ەتەدى، كىر مولەكۋلالارى مەن ماتا تالشىقتارى اراسىن اجىراتادى.
مىنا ادىستەردى جاساپ كورىز: سۋ قايناتىپ، كىر جۋۋعا ارنالعان ىدىسقا قۇيىڭىز. 3 ليتر قايناعان سۋعا 1/2 ستاقان ليمون شىرىنىن جانە 1 اس قاسىق ليمون قىشقىلىن سالىڭىز. 1-2 اس قاسىق كىر جۋعىش ۇنتاق قوسىڭىز. شۇلىقتارىڭىزدى ليمون قىشقىلىن قوسىپ دايىنداپ العان سۋعا سالىپ، 4-6 ساعاتقا قويىڭىز. شۇلىقتى ەرىتىندىدەن الىپ، ادەتتەگىدەي جۋىڭىز. كىردىڭ كوپ بولىگى تاباننىڭ سىرتقى بولىگىندە بولادى. سوندىقتان شۇلىقتى سۋعا سالىپ جۋعان كەزدە ءىشىن سىرتقا قاراي اينالدىرماڭىز.
سۋتەگىنىڭ اسقىن توتىعى شۇلىقتاعى قارا داقتاردى كەتىرۋ ءۇشىن سۋتەگى اسقىن توتىعىن پايدالانۋعا كەڭەس بەرەدى. بۇل ءونىمنىڭ ماتانى اعارتاتىن قاسيەتى بار، سوندىقتان اق شۇلىقتى جۋۋعا وتە ىڭعايلى. ول ءۇشىن وسىلاي جاساڭىز: ىدىس جۋۋعا ارنالعان سۇيىقتىقتى 3% سۋتەگى اسقىن توتىعىمەن 1:2 قاتىناسىندا سۇيىلتىڭىز. شۇلىقتارىڭىزدى جىلى سۋعا سالىپ، قوسپانى شۇلىقتىڭ تابانىنا جانە باسقا لاس جەرلەرىنە جاعىڭىز.
شۇلىقتى بۇكتەپ نەمەسە تۇتىك ءتارىزدى وراپ، پلاستيك پاكەتكە سالىڭىز. 3-4 ساعات بويى وسىلاي قالدىرىڭىز. ىدىسقا ىستىق سۋ قۇيىڭىز، كىر جۋاتىن ۇنتاق قوسىڭىز جانە شۇلىقتى قولمەن جۋىڭىز، بۇلىنگەن جەرلەرىن جاقسىلاپ ىسقىلاڭىز. وسى ادىسپەن جۋىلعان شۇلىقتاعى داقتار كەتەدى. شۇلىق ماتاسىنا سۋتەگى اسقىن توتىعى اسەر ەتپەيدى، ال شۇلىقتار ۇزاق ۋاقىتقا دەيىن جارامدى بولادى. اس سوداسى جانە سىركەسۋ اق شۇلىقتى كىرلەتپەي كيۋ قيىن. ونى بىرنەشە رەت جۋعاننان كەيىن ءتۇسى ءوڭىپ، سۇرلانىپ كەتەدى. اق شۇلىقتى اس سوداسى جانە سىركە سۋىمەن قالاي جۋۋعا بولادى؟ شۇلىقتى سودا قوسىلعان سۋعا سالىپ، وعان سىركە سۋىن قوسىڭىز. كىر جۋعان كەزدە وسى ونىمدەردى قولدانىڭىز.
جۋۋ ءادىسى مىناداي: كىر جۋاتىن ىدىسقا جىلى سۋ تولتىرىڭىز. سۋعا اس سوداسىن سالىپ، سىركە سۋىن قۇيىڭىز (1 ليتر سۋعا 2 اس قاسىق سودا، 1 اس قاسىق سىركە سۋى). ەرىتىندىگە اق شۇلىقتى سالىپ، بىرنەشە ساعاتقا قالدىرىڭىز (تۇنىمەن سالىپ قويۋعا بولادى). داق پەن كىر جەرلەرىن قولىڭىزبەن ىسقىلاپ جۋىڭىز، شۇلىقتى سىققان سوڭ ماشيناعا سالىپ جۋىڭىز. شۇلىق وتە قاتتى كىرلەپ كەتسە، كادىمگى كىر جۋاتىن قوسپاعا ½ كەسە اس سوداسىن قوسىڭىز. اس سوداسى ماتانى قاتايتۋى مۇمكىن، سوندىقتان شايعان كەزدە ونى جۇمسارتۋ ءۇشىن سۋعا 100 مل 9% سىركە سۋىن قۇيىڭىز. كىر جۋعان كەزدە اق شۇلىقتىڭ ءتۇرلى-تۇستى زاتتارمەن ارالاسىپ كەتپەۋىن قاداعالاڭىز. قوسپاعا سالىپ العاننان كەيىن ولاردى اق كيىمدەرمەن بىرگە كىر ماشيناسىنا سالۋعا بولادى.
سودان كەيىن دىمقىل شۇلىقتى اعارتقىشقا سالىڭىز: شىلاپشىنعا جىلى سۋ تولتىرىڭىز. 1 ل سۋعا 4 اس قاسىق مولشەرىندە اعارتقىش قوسىڭىز. كىر جۋۋعا ارنالعان سۇيىق قوسپادان 1 اس قاسىق قوسىپ، جاقسىلاپ ارالاستىرىڭىز. شۇلىقتاردى قوسپادا 10-15 مينۋتقا قالدىرىڭىز. شۇلىقتىڭ جولاعى بار جوعارعى بولىگى ەرىتىندىگە تۇسپەۋى كەرەك. شۇلىقتارىڭىزدى سالقىن سۋمەن شايىڭىز. كەيىن ادەتتەگىدەي قايتادان جۋىڭىز. جوعارى كونسەنتراسياداعى حلور اعارتقىشى اق زاتتاردى سارى ەتەتىنىن ەسكەرىڭىز. سوندىقتان شۇلىقتارىڭىزدى قوسپاعا سالعاننان كەيىن قىمبات زاتتارمەن بىرگە جۋۋعا بولمايدى.
اسپيرين اسەتيلساليسيل قىشقىلى (اسپيرين) شۇلىقتاردا جينالاتىن تەر مەن كىردى جاقسى كەتىرەدى. بۇل ءدارىنىڭ كومەگىمەن شۇلىق قايتادان قارداي اپپاق بولادى. ءاسپيريندى وسى سحەما بويىنشا قولدانىڭىز: بىرنەشە ءدارىنى ابدەن ۇنتاقتاتىڭىز. بۇل شامامەن ءبىر اس قاسىق بولۋى كەرەك. ۇنتاقتى 1 ليتر جىلى سۋعا سالىپ ەرىتىڭىز. شۇلىقتى قوسپاعا سالىپ، 1-2 ساعاتقا قالدىرىڭىز. شۇلىقتى شايىپ، سىعىپ الىڭىز. شۇلىقتارىڭىزدى ادەتتەگىدەي ماشينامەن نەمەسە قولمەن جۋىڭىز. شۇلىقتاردى ماشينادا جۋعان كەزدە بارابانعا كىر جۋۋعا ارنالعان شار ءتارىزدى قوسپالاردى سالىڭىز. اپپاق شۇلىقتىڭ كىرىن كەتىرىپ جۋۋ ءۇشىن 40–50 °C دەيىنگى سۋدى پايدالانىڭىز. ەگەر شۇلىقتاردىڭ ورنەكتەرى بار بولسا، 40°C-قا دەيىنگى تەمپەراتۋداعى سۋدى پايدالانىڭىز. سالقىن سۋعا جۋساڭىز، قالاعانىڭىزداي ناتيجە بەرمەيدى جانە شۇلىقتاردا داق قالىپ قويادى. اق ءتۇستى شۇلىقتار ءار كيگەن سايىن جۋۋدى قاجەت ەتەدى. ءبىز ۇسىنعان ادىستەردىڭ ءبىرىن پايدالانىپ، شۇلىقتاردىڭ اق ءتۇسىن ساقتاۋعا ءارى تازا ۇستاۋعا بولادى. ال الدىن-الا قوسپاعا سالىپ جۋۋ كوپ كۇش جۇمساماي، داقتاردى كەتىرۋگە مۇمكىندىك بەرەدى.