5ء-شى دۇنيەجۇزىلىك كوشپەندىلەر ويىندارىنا دايىندىق شەڭبەرىندە سەمەيدە ءداستۇرلى ساداق اتۋدان ەرلەر مەن ايەلدەر اراسىنداعى قازاقستان كۋبوگى باستالدى.
وعان العاش رەت قاتىسۋشىلاردىڭ سانى رەكوردتىق كورسەتكىشكە جەتتى. اتاپ ايتقاندا، 300-دەن استام ۇزدىك ساداقشى ەلىمىزدىڭ بارلىق وڭىرىنەن قاتىسىپ جاتىر، دەپ حابارلايدى Egemen.kz.
ءداستۇرلى ساداق اتۋدان قازاقستان قۇراماسىنىڭ باس باپكەرى دياس احمەتوۆتىڭ ايتۋىنشا، جارىس ءتورت ءتۇرلى نىسان بويىنشا وتەدى. پۋتا نىساناسى (9 وقتان 7 مۇمكىندىك)، قالقان نىساناسى (7 وقتان 7 مۇمكىندىك)، جامبى نىساناسى (5 وقتان 5 مۇمكىندىك) جانە كوماندالىق جارىس بارلىق سپورتشىعا بىردەي 4 نىسانادا ب ا ق سىناۋ مۇمكىندىگى بەرىلەدى. اتالعان ءار نىسان بويىنشا ەرلەر جانە ايەلدەر 1،2،3 ورىندارى بويىنشا مەدالدارمەن جانە ديپلومدارمەن ماراپاتتالادى.
ۇلتتىق سپورت قاۋىمداستىعىنىڭ مالىمەتىنشە، جارىستىڭ العاشقى كۇنىن 200-گە جۋىق ەر جانە 100-دەي ايەل پۋتا نىساناسى (9 وقتان 7 مۇمكىندىك) بويىنشا باستادى. جوعارى ۇپاي جيناعان 16 سپورتشى ىرىكتەلىپ، 1/16 فينالدا سايىستى. جەڭىسكە جەتكەندەر: ەربول تاپەنوۆ (استانا)، ءالي سەيسيگيۋزەل (اتىراۋ قالاسى)، ماقسات ابدىكەرىموۆ (شىمكەنت)، ايكوركەم باتيحان (استانا)، دينارا جاقسىلىقوۆا (استانا)، اجار تولەۋقانوۆا (وسكەمەن قالاسى).