پەتروپاۆل قالاسىندا «SARAP» ەكسپەرتتىك كلۋبىنىڭ «قوعامدىق وپتيميزم جانە ەنەرگەتيكالىق قاۋىپسىزدىك: قازاقستانداعى اتوم ەنەرگەتيكاسىن دامىتۋ پەرسپەكتيۆاسى» تاقىرىبىنداعى ايماقتىق جيىنى ءوتتى، دەپ حابارلايدى aqshamnews.kz.
جيىندى مادەنيەت جانە اقپارات مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتى ۇيىمداستىردى.
ايماقتىق جيىن تاقىرىبىنا مەملەكەت باسشىسى قاسىم-جومارت توقايەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋى ارقاۋ بولدى.
جيىن بارىسىندا جولداۋدا ايتىلعان ءبىرقاتار ماسەلەلەر: مەملەكەتتىك شەشىمدەر قابىلداۋ پروسەسىنە ازاماتتاردىڭ قاتىسۋى، جاڭا قوعامدىق-ساياسي مادەنيەت، ەكولوگيالىق تاۋەكەل مەن قاۋىپسىزدىك، سونداي-اق اتوم ەلەكتر ستانساسىن سالۋ بويىنشا جالپىۇلتتىق رەفەرەندۋم تالقىلاندى.
ءىس-شاراعا سولتۇستىك قازاقستان وبلىسىنىڭ اكىمدىگى، وبلىستىق جانە قالالىق ءماسليحات دەپۋتاتتارى، قوعامدىق كەڭەس مۇشەلەرى، اتوم ەنەرگياسى مەن ەكولوگيا سالاسىنىڭ كاسىبي ماماندارى، جاستار مەن ازاماتتىق قوعام وكىلدەرى قاتىستى.
وتىرىس قورىتىندىسى بويىنشا ساراپشىلار ناقتى ماسەلەلەرگە توقتالىپ، ۇسىنىستارىن ايتتى.