ازاماتتارعا ارنالعان كەڭەستەر

كونستيتۋسيالىق سوتقا جۇگىنگەن كەزدە نەنى ءبىلۋ ماڭىزدى

زاڭ نورماسىنىڭ نەگىزگى زاڭعا سايكەستىگىن تەكسەرۋ ءۇشىن كونستيتۋسيالىق سوتقا ءوتىنىش جولدايتىن كەزدە ءوتىنىشتىڭ نىسانىندا دا، مازمۇنىندا دا بەلگىلى ءبىر تالاپتاردى ەسكەرۋ قاجەت.

ءسىزدىڭ وتىنىشىڭىزدە نە ناقتى كورسەتىلۋى كەرەك:

• كونستيتۋسيالىق سوتقا نە ءۇشىن جۇگىنىپ وتىرسىز. وسى وتىنىشكە سەبەپ بولعان جاعدايدى قىسقاشا سيپاتتاڭىز.


• جالپى يۋريسديكسيالى سوتتا سىزگە ناقتى قانداي نورما قولدانىلدى جانە ونى نەلىكتەن كونستيتۋسياعا سايكەس كەلمەيدى دەپ سانايسىز.


• داۋلانىپ وتىرعان نورما ءسىزدىڭ كونستيتۋسيالىق قۇقىقتارىڭىزعا قالاي نۇقسان كەلتىرەدى. كونستيتۋسيانىڭ ءتيىستى باپتارىن كورسەتىڭىز. ءوتىنىشتىڭ وسى ءبولىمىن جازۋ كۇردەلى بولۋى مۇمكىن جانە كونستيتۋسيا تۇرعىسىنان بۇزۋشىلىقتاردى نەگىزگە الۋ تاجىريبەسىن قاجەت ەتەدى.

وسىعان بايلانىستى، كونستيتۋسيالىق سوتقا ءوتىنىش بەرۋ ءتارتىبى مەن راسىمدەرى تۋرالى جان-جاقتى كونسۋلتاسيانى ءسىز كونستيتۋسيالىق سوت اپپاراتىنىڭ قىزمەتكەرلەرىنەن استانا قالاسى، ماڭگىلىك ەل داڭعىلى، 13 (رفمم مەكتەبىنە قاراما-قارسى جاقتا) مەكەنجايى بويىنشا ازاماتتاردى قابىلداۋ ورتالىعىنان الا الاسىز.

سونىمەن قاتار، «ادۆوكاتتىق قىزمەت جانە زاڭ كومەگى تۋرالى» زاڭعا سايكەس ءسىز زاڭگەرلىك كەڭەس الۋ ءۇشىن ادۆوكاتتارعا، زاڭ كونسۋلتانتارى جانە باسقا دا زاڭگەرلىك كومەك كورسەتەتىندەرگە جۇگىنە الاسىز. ازاماتتارعا زاڭ كومەگى ونى الۋعا قۇقىعى بار ادامدارعا مەملەكەت كەپىلدىك بەرگەن زاڭ كومەگىنىڭ بولىگى رەتىندە اقىلى دا، تەگىن دە كورسەتىلەدى.

ازاماتتاردىڭ كونستيتۋسيالىق باقىلاۋ ورگانىنا ءوتىنىشىنىڭ ۇلگىسى سىلتەمە بويىنشا كونستيتۋسيالىق سوتتىڭ سايتىندا ورنالاستىرىلعان https://www.gov.kz/memleket/entities/ksrk/documents/details/400497؟lang=kk