قىزىلوردا وبلىسىنىڭ پروكۋرورلارى كاسىپكەرلىك سۋبەكتىلەرىنە قاتىستى 45 قىلمىستىق ءىستى توقتاتتى
مەملەكەت باسشىسى بەلگىلەگەن باستى جانە باسىم باعىتتاردىڭ ءبىرى وتاندىق بيزنەستى قورعاۋ بولىپ تابىلادى، دەپ حابارلايدى almaty-akshamy.kz قىزىلوردا وبلىسىنىڭ پروكۋراتۋراسىنا سىلتەمە جاساپ.
باس پروكۋراتۋرانىڭ باستاماسىمەن كاسىپكەرلەردىڭ قۇقىقتارىن قورعاۋ سالاسىنداعى قۇقىق قولدانۋ پراكتيكاسىنا تالداۋ جۇرگىزىلىپ، ونىڭ قورىتىندىسىمەن بيزنەستىڭ، ونىڭ ىشىندە قىلمىستىق-قۇقىقتىق سالاداعى جۇيەلى پروبلەمالار انىقتالدى.
مۇنداي ماسەلەلەردى شەشۋ پروكۋراتۋرا ورگاندارىنا جۇكتەلدى. وسىعان بايلانىستى 2022 جىلعى قىركۇيەكتە باس پروكۋرور بارلىق تومەن تۇرعان پروكۋرورلارعا، سونداي-اق ەلدىڭ قۇقىق قورعاۋ ورگاندارى باسشىلارىنىڭ اتىنا كاسىپكەرلەردى زاڭسىز قۋدالاۋعا جول بەرمەۋ جونىندە نۇسقاۋ بەردى.
نۇسقاۋعا سايكەس كاسىپكەرلەرگە ودان ءارى شاعىمدانۋ قۇقىعىن بەرە وتىرىپ، ءتيىستى تەكسەرۋ ناتيجەلەرى تۋرالى اكتىمەن تانىسۋ مۇمكىندىگى بەرىلدى.
مۇنداي ءتارتىپ 2023 جىلى وبلىس كاسىپكەرلەرىنە قاتىستى قىلمىستىق ىستەردى تىركەۋ فاكتىلەرىنىڭ سانىن ەكى ەسەگە ازايتۋعا مۇمكىندىك بەردى.
- وبلىستىق پروكۋراتۋرا ورگاندارىنىڭ قىزمەتكەرلەرى كاسىپكەرلىك سۋبەكتىلەرىنە قاتىستى تىركەلىپ، بىرنەشە جىل كولەمىندە شەشىمىن تاپپاعان 45 قىلمىستىق ءىستى انىقتاپ، بارلىعىن اقتاۋ نەگىزدەرىمەن توقتاتتى.
- قىلمىستىق قۋدالاۋ ورگانىنىڭ 2 جەرگىلىكتى كاسىپكەردىڭ شەتەلگە شىعۋىن شەكتەيتىن زاڭسىز شەشىمى انىقتالدى جانە جويىلدى.
- 3 كاسىپكەردىڭ مۇلكى تىيىم سالۋدان بوساتىلىپ، شەكتەۋلەر الىنىپ تاستالدى.
- كاسىپكەرلىك قىزمەتكە كەدەرگى جاساۋ فاكتىسىمەن 1 (قك 365-بابى، زاڭدى كاسىپكەرلىك قىزمەتپەن اينالىسۋعا كەدەرگى جاساۋ) قىلمىستىق ءىس تىركەلىپ، تەرگەۋ ناتيجەسىندە سوتقا جولداندى. كىنالى تۇلعاعا قاتىستى سوت ۇكىمىمەن 3 جىل باس بوستاندىعىنان شەكتەۋ جازاسى قابىلداندى.
دوڭگەلەك ۇستەلدە پروكۋراتۋرا ورگاندارىنىڭ بيزنەستى قورعاۋ بويىنشا اتقارعان جۇمىستارىن جاريالاۋمەن قاتار، قاتىسۋشىلاردىڭ پىكىرلەرى مەن ۇسىنىستارىن ەسكەرە وتىرىپ، كاسىپكەرلىك سۋبەكتىلەرىن باقىلاۋشى جانە قۇقىق قورعاۋ ورگاندارى تاراپىنان نەگىزسىز قىسىم جاساۋدان ودان ءارى اراشالاۋ جونىندەگى پروبلەمالىق ماسەلەلەر تالقىلاندى.
كۇن ءتارتىبىن تالقىلاۋعا سوتتاردىڭ، كۇش قۇرىلىمدارىنىڭ جانە ءبىرقاتار مەملەكەتتىك ورگانداردىڭ باسشىلارى، سونداي-اق كاسىپكەرلەر پالاتاسىنىڭ ديرەكتورى اتىنان وبلىستىڭ بيزنەس قوعامداستىعىنىڭ وكىلى تارتىلعانىن اتاپ وتكەن ءجون.
وبلىس پروكۋرورى ر.ك.وجاروۆ قۇقىق قورعاۋ جانە وزگە دە ۋاكىلەتتى مەملەكەتتىك ورگاندار باسشىلارىنىڭ نازارىن شەشىمدەرى مەن ارەكەتتەرى كاسىپكەرلەردىڭ قۇقىقتارىنا كەدەرگى كەلتىرەتىن، شەكتەيتىن جانە مۇنداي جۇمىستى قاداعالاۋ ورگانىنىڭ وكىلدەرى جان-جاقتى قولدايتىن ادامداردى انىقتاۋ بويىنشا جۇيەلى جۇمىس جۇرگىزۋگە اۋداردى.
سونىمەن قاتار، دوڭگەلەك ۇستەل وتىرىستارىن قورىتىندىلاي كەلە، وبلىس پروكۋرورى مەملەكەتتىك ورگاندار تاراپىنان مۇنداي بىرلەسكەن كۇش-جىگەردىڭ ايقىن بولۋى ءتيىس ەكەنىن جانە كاسىپكەرلەر ءوز تاراپىنان قولداۋدى تۇراقتى نەگىزدە سەزىنۋى ءتيىس ەكەنىن اتاپ ءوتتى.