مۇسىلمان الەمىندە مەيماندار تاماشالايتىن ەڭ كورنەكتى مەشىتتەردىڭ ءبىرى ءارى بىرەگەيى – زايدا قۇلشىلىق ۇيىنە اعىعان تۋريستەر قاراسى وتكەنن جىلى 70%-عا ارتقان، دالىرەگى، 2023 جىلى اتالمىش عيبادات عيماراتىنا 5 501 420 ادام باس سۇققان، ولاردىڭ 1 409 947-ى عانا مۇسىلمان.
بۇل جايىندا islam.kz پورتالى ءوز كەزەگىندە WAM اقپارات كوزىنە ءجون سىلتەگەن IslamNews سايتىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
بىرىكەن اراب امىرلىگى اۋماعىندا، ياعني، ءابۋ-دابي قالاسىندا ورىن تەپكەن مەشىتكە تەك تۋريستەر عاا ەمەس، سونىمەن قاتار، اتالعان اراب ەلىنە ات باسىن تىرەگەن سىيلىق قوناقتار، سونىڭ ىشىندە، مەملەكەت باسشىلارى، ديپلوماتتار، ت.ب. قاراسىنىڭ ءوزى اجەپتاۋىر. مەشىت مەيماندارىنىڭ 74%-ى جەكەلەگەن تۇلعالار بولسا، توبىمەن كەلىپ تاماشالاعاندار قاراسى 26%-دى قۇراعان. رەسمي دەلەگاسيالار، سونىڭ ىشىندە ۇكىمەتتىك جانە ءبىلىم بەرۋ، ديپلوماتيالىق جانە ت.ب. 20 172 ادامعا ارتقان. 25 پەن 35 جاس ارالىعىنداعى ءتۇرلى ەلدەردەن كەلگەندەر سانى مەشىتكە باس سۇققانداردىڭ ەڭ كوپ ۇلەسىن قۇرادى – 34%. مەشىتكە كەلگەن قوناقتاردىڭ 81 پايىزى شەتەلدىكتەر بولدى. گەوگرافيا بويىنشا كەلۋشىلەردىڭ ەڭ ۇلكەن ۇلەسى ازياعا تيەسىلى - 52%، ودان كەيىنگى ورىندا ەۋروپا تۇر - 33% جانە 8%-ى - سولتۇستىك امەريكا ەنشىسىندە. مەشىت قوناقتارىنىڭ 23 پايىزى ءۇندىستاننان، 8 پايىزى قىتايدان، 7 پايىزى رەسەيدەن كەلگەن.