باسىنان داۋ ارىلماعان ازامات ساتىبالدى شاكەن ايمانوۆ اتىنداعى "قازاقفيلم" اق پرەزيدەنتى قىزمەتىنەن بوساتىلدى.
اكتەردىڭ ءوزى قازاقفيلم” كينوستۋدياسىمەن كەلىسىمشارتتى ۇزارتقىسى كەلمەگەنىن ايتقان، دەپ حابارلايدى aqshamnews.kz
ول كينوستۋديانىڭ باسشىلىعىنا 2023 جىلدىڭ شىلدە ايىندا كەلگەن ەدى. وسى ءبىر جىلدىڭ ىشىندە "ءقازاقفيلمنىڭ" باسىنان قيقۋ كەتپەدى. پارلامەنتتە كينو سالاسىنداعى بيۋدجەتتىڭ ءتيىمسىز يگەرىلۋى سىنالعان ەدى. 2016-2022 جىلدارى قازاقفيلمگە كينو شىعارۋعا جانە پروكاتتاۋعا 14،5 ملرد تەڭگە بولىنگەنىمەن، ونىڭ 4،8 پايىزى عانا اقتالعان.
بۇعان قوسا وسىدان بىرنەشە كۇن بۇرىن "التىن ادام" تۋىندىسىنىڭ انيماتورلارى جەتى ايدان بەرى جالاقى الماعانىن ايتىپ، قازاقفيلم عيماراتىنىڭ الدىندا نارازىلىققا شىققان بولاتىن. كەيىننەن قازاقفيلم انيماتورلاردىڭ قوردالانعان ايلىعىن تولەپ بەرەتىنىن مالىمدەدى.
ەڭبەك جولىن تەاتردان باستاپ كينو سالاسىندا دا سۇرانىسقا يە بولعان اكتەر ءقازىر حالىقارالىق كينوجوبالارعا قاتىسۋ ءۇشىن قىتايدا ءجۇر.