رىسقۇلوۆ-بوكەيحانوۆ جولايىرىعىنداعى اۋماقتا ورتاشا جوندەۋ جۇمىستارىن جۇرگىزۋگە بايلانىستى كولىك قوزعالىسى ۋاقىتشا شەكتەلەدى، دەپ حابارلايدى aqshamnews.kz
31 شىلدە ساعات 23:00-دەن 1 تامىز ساعات 23:00-گە دەيىن شىعىس باعىتتا رىسقۇلوۆ داڭعىلىنان بوكەيحانوۆ كوشەسىنە دەيىنگى بۇرىلىستا، سونداي-اق بوكەيحانوۆ كوشەسىندەگى وڭتۇستىك باعىتتان شىعىس باعىتقا قاراي بۇرىلىس پەن رىسقۇلوۆ داڭعىلىنا شىعار جول تولىعىمەن جابىلادى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.
