الەۋمەتتىك جەلىدەگى تانىسىنىڭ شوتىنان اقشا جىمقىرعان استانالىق قىز انىقتالدى، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
پوليسياعا قالا تۇرعىنى جۇگىنىپ، ونىڭ شوتىنان اقشا ۇرلانعانىن ايتىپ ارىزدانعان. ول الەۋمەتتىك جەلى ارقىلى 22 جاستاعى ەلوردالىق قىزبەن تانىسقانىن ايتتى. ءبىراز ۋاقىت ونلاين حات الماسۋدان كەيىن، ول بيكەشتى جەكە كەزدەسۋگە شاقىرعان. كافەدە باستالعان وتىرىستى جاستار قوناقۇيدە جالعاستىرعان. تاڭەرتەن ەر ادام ۇيىقتاپ جاتقان كەزدە، قاسكۇنەم ونىڭ شوتىنان 640 مىڭ تەڭگەنى باسقا شوتقا اۋدارىپ، بولمەدەن قاشىپ كەتكەن.
“ەسىل” اۋدانى پب كريمينالدىق پوليسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە قىزدى انىقتادى. ول كافەدە شوت تولەۋ كەزىندە جىگىتتىڭ بانكتىك قوسىمشاسىنداعى قۇپيا كودتى كورىپ العانىن مويىندادى. اتالعان فاكتى بويىنشا قىلمىستىق ءىس قوزعالدى، قىزدىڭ ەلوردا اۋماعىندا جاسالعان باسقا دا وسىعان ۇقساس قىلمىستارعا قاتىسى بار-جوعى انىقتالادى. استانا قالاسىنىڭ پوليسيا دەپارتامەنتى ازاماتتارعا ساق بولۋدى، بەيتانىس ادامدارعا سەنبەۋدى ەسكەرتەدى.