7 ساۋىردەن باستاپ اۆتوساقتاندىرۋ تالاپتارىنا تۇزەتۋلەر ەنگىزىلەدى.
ەندى جاس جۇرگىزۋشىلەرگە ساقتاندىرۋ قۇنى قىمبات بولماق، دەپ حابارلايدى aqshamnews.kz
سونداي-اق كولىك تىزگىندەۋشىنىڭ جاس ەرەكشەلىگى، ءوڭىرى، ءاۆتوموبيلدىڭ شىققان جىلىنا بايلانىستى دا باعا وزگەرەدى. سوندىقتان ماماندار 7-ساۋىرگە دەيىن ەسكى تاريفپەن كولىكتى ساقتاندىرىپ ۇلگەرۋگە كەڭەس بەرەدى.
جاڭا زاڭ بويىنشا ەندى جول-كولىك وقيعاسى عانا ەمەس، جۇرگىزۋشىنىڭ بۇعان دەيىن ەرەجە بۇزعان فاكتىلەرى دە ەسەپكە الىنادى.
ايتا كەتەيىك، ەگەر جۇرگىزۋشى جىلدامدىقتى اسىرىپ، قارسى جولاققا شىقسا نەمەسە اپاتتىق جاعداي تۋدىرسا، ساقتاندىرۋ قۇنى ايتارلىقتاي قىمباتتايدى.
سونىمەن قاتار، جاڭا ەرەجە بويىنشا ءۇش تومەنگى كلاسس (A، M1، M2) ەنگىزىلەدى، ولاردىڭ كوەففيسيەنتتەرى 3،5 ەسەگە دەيىن ارتۋى مۇمكىن. جول اپاتىنا ۇشىراماعان جانە جول ەرەجەلەرىن ساقتايتىن جۇرگىزۋشىلەردىڭ ساقتاندىرۋ ءپوليسى ارزاندايدى.