باسەكەلەستىكتى قورعاۋ جانە دامىتۋ اگەنتتىگى وتاندىق اۆتووندىرۋشىلەردى ليزينگتى قارجىلاندىرۋ ەرەجەلەرىنەن باسەكەلەستىككە قارسى نورمالاردى الىپ تاستاۋ تۋرالى نۇسقاما ەنگىزدى، دەپ حابارلايدى almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
ق ر باسەكەلەستىكتى قورعاۋ جانە دامىتۋ اگەنتتىگى «قازاۆتوپروم «قازاقستاننىڭ اۆتوموبيل سالاسى كاسىپورىندارىنىڭ وداعى« زتب ءوتىنىشىن قاراۋ ناتيجەسى بويىنشا ق ر يندۋستريا جانە ينفراقۇرىلىمدىق دامۋ مينيسترلىگىنە جانە «ونەركاسىپتى دامىتۋ قورى» اق-عا قولدانىستاعى باعدارلامالاردان جانە وتاندىق اۆتووندىرۋشىلەردى ليزينگتى قارجىلاندىرۋ ەرەجەلەرىنەن باسەكەلەستىككە قارسى نورمالاردى الىپ تاستاۋ تۋرالى نۇسقاما ەنگىزدى.
«قازىرگى ۋاقىتتا وتاندىق اۆتووندىرۋشىلەردى قارجىلاندىرۋ ماقساتىندا ق ر يندۋستريا جانە ينفراقۇرىلىمدىق دامۋ مينيسترلىگى (ييدم) بەكىتكەن «بايتەرەك «ۇبح «اق كرەديتتەۋ» قارجىلىق-ەكونوميكالىق نەگىزدەمە باعدارلاماسى بويىنشا «ونەركاسىپتى دامىتۋ قورى» اق (بۇرىن – «قدب-ليزينگ» اق) كرەديتتەۋ جۇرگىزۋدە. وسى باعدارلامادا ايقىندالعان قارجىلاندىرۋ تەتىگىنە سايكەس قازاقستاندىق اۆتوبيزنەس قاۋىمداستىعى (قابق) ءاربىر اۆتووندىرۋشىگە ليزينگتىك قارجىلاندىرۋ كەزىندەگى ليميتتەر سوماسىن ايقىندايدى»، دەلىنگەن حابارلامادا.
ۆەدومستۆونىڭ مالىمدەۋىنشە، وسىعان ۇقساس نورمالار «ونەركاسىپتى دامىتۋ قورى» اق-نىڭ وتاندىق اۆتوموبيلدەر ءوندىرىسىن قولداۋ بويىنشا ليزينگتىك قارجىلاندىرۋ باعدارلاماسىندا جازىلعان. بۇل رەتتە قابق – قۇرامىنا اۆتو ءوندىرۋ نارىعىندا جۇمىس ىستەيتىن كاسىپورىنداردىڭ بارلىعى كىرمەيتىن كوممەرسيالىق ەمەس ۇيىم. سونداي-اق، بۇل ەلدەگى اۆتوكولىك وندىرۋشىلەر مەن جيناۋشىلاردىڭ جالعىز بىرلەستىگى ەمەس.
«وسىلايشا، ييدم جانە قابق ونەركاسىپتى دامىتۋ قورى تاراپىنان قاۋىمداستىق مۇشەلەرى بولىپ تابىلاتىن اۆتووندىرۋشىلەردىڭ مۇددەلەرىنە باسىمدىق بەرۋ قۇقىعى بەرىلگەن، بۇل ولار ءۇشىن ارتىقشىلىقتى جاعداي جانە جالپى باسەكەلەستەرمەن سالىستىرعاندا قولايسىز / ديسكريميناسيالىق قىزمەت جاعدايىن قالىپتاستىرادى»، دەپ مالىمدەدى اگەنتتىك.
ۆەدومستۆونىڭ تۇسىندىرۋىنشە، اۆتووندىرۋشىلەرگە ليزينگتى قارجىلاندىرۋ بويىنشا قاراجات ءبولۋ كەزىندە اشىقتىقتىڭ بولماۋى، جەكە كاسىپكەرلىك سۋبەكتىلەرىنىڭ باسىم جاعدايىن بەلگىلەۋ فاكتىلەرى، ليزينگ الاتىن اۆتووندىرۋشىلەردى تاڭداۋ كەزىندەگى شەكتەۋلەر – وسى ماسەلەلەر 2021 جىلدىڭ قىركۇيەگىندە نۇر-سۇلتان قالاسى بويىنشا مونوپولياعا قارسى دەپارتامەنت جانىنداعى كەدەرگىلەر جونىندەگى كەڭەس وتىرىسىندا كوتەرىلگەن.
«قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىنىڭ بۇزىلۋى تۋرالى مالىمەتتەردى تالداۋ ناتيجەلەرى بويىنشا ق ر كاسىپكەرلىك كودەكسىنىڭ 163-بابىنىڭ 4-تارماعىنا سايكەس ييدم جانە ونەركاسىپتى دامىتۋ قورىنىڭ اتىنا باسەكەلەستىكتى قامتاماسىز ەتۋگە باعىتتالعان ىس-ارەكەتتەر جاساۋ تۋرالى نۇسقاما، اتاپ ايتقاندا، باسەكەلەستىكتى شەكتەيتىن نورمالاردى الىپ تاستاۋ ەنگىزىلدى. نۇسقاما 2021 جىلدىڭ 30 قاراشاسىنا دەيىن ورىندالۋعا ءتيىس»، - دەلىنگەن حابارلامادا.