مەگاپوليستە «ميگرانت» جەدەل-پروفيلاكتيكالىق شاراسى ءوتىپ جاتىر.
تاجىكستاننان كەلگەن ميگرانتتار الماتىدا زاڭسىز جۇمىس ىستەپ جۇرگەن، دەپ حابارلايدى Almaty-akshamy.kz
ق ر ءىىم رەسمي سايتىندا حابارلانعانداي، ناۋرىزباي اۋدانى ءىىد كوشى-قون باسقارماسىنىڭ قىزمەتكەرلەرى «ميگرانت» جەدەل-پروفيلاكتيكالىق ءىس-شاراسى اياسىندا ءبىر ۇيدە زاڭسىز تۇرىپ جاتقان تاجىكستان رەسپۋبليكاسىنىڭ 12 ازاماتىن تاپتى.
بەلگىلى بولعانداي، قىركۇيەك ايىندا شەتەلدىكتەر قازاقستانعا شىعىس قازاقستان وبلىسىنىڭ اقتوعاي اۋىلىندا ەلەكتر ستانسياسىن سالۋ ءۇشىن كەلگەن. ولار بەلگىلەنگەن مەرزىمنەن ارتىق ۋاقىت ىشكى ىستەر ورگاندارىنىڭ تىركەۋىنسىز ەل اۋماعىندا جۇرگەن.
«تەكسەرۋ كەزىندە تاجىكستاننىڭ التى ازاماتىنىڭ جەكە باسىن كۋالاندىراتىن قۇجاتتارى بولمادى، ولاردىڭ جەكە باسىن انىقتاۋ ءۇشىن قابىلداۋ بولىمىنە ورنالاستىردىق. تاعى التى ادام قازاقستان رەسپۋبليكاسىنىڭ اكىمشىلىك كودەكسىنىڭ 517-باپ 4ء-بولىمى بويىنشا جاۋاپكەرشىلىككە تارتىلدى. ميگرانتتار تۇرعان تۇرعىن ءۇيدىڭ يەسى قازاقستان رەسپۋبليكاسىنىڭ اكىمشىلىك كودەكسىنىڭ 493-بابى جانە 518-باپتىڭ 2ء-بولىمى بويىنشا جاۋاپكەرشىلىككە تارتىلدى»، - دەدى الماتى قالاسى پد كوشى-قون قىزمەتى باسقارماسى باستىعىنىڭ ورىنباسارى گەنناديي مەن.
بۇعان قوسا الماتىنىڭ المالى اۋدانى اۋماعىنداعى تۇرعىن ءۇي كەشەندەرىنىڭ بىرىندە تاجىكستاننىڭ زاڭسىز تۇراتىن 10 ازاماتى انىقتالدى. ولاردىڭ ەكەۋىنىڭ قۇجاتتارى جوق، جەكە باسىن انىقتاۋ ماقساتىندا قابىلداۋ ورتالىعىنا ورنالاستىرىلدى. زاڭ بۇزۋشىلىق بويىنشا التى شەتەلدىككە قاتىستى اكىمشىلىك حاتتامالار تولتىرىلدى.
كوشى -قون زاڭناماسىن بۇزۋ فاكتىلەرى بويىنشا زاڭ بۇزۋشىلارعا شارا قولدانىلدى.