قازاقستاندىقتار ءۇشىن سۇرانىسقا يە قىزمەتتەردىڭ ءبىرى «بەدەلدى» نومىرلەردى ساتىپ الۋ بولىپ وتىر. وتكەن جىلى اۆتوكولىك يەلەرى شامامەن 6 ملرد تەڭگەگە VIP-نومىرلەر ساتىپ العان، دەپ حابارلايدى Almaty-akshamy.kz.
Polisia.kzء-تىڭ مالىمەتى بويىنشا وسىنداي نومىرلەردى ساتىپ الۋدى قولجەتىمدى ەتۋ ءۇشىن ءىىم ولاردى تاڭداۋ جانە برونداۋ بويىنشا ءتيىستى سەرۆيس ازىرلەنگەن. بۇل سەرۆيس سيفرلىق دامۋ مينيسترلىگىنىڭ «Smart Bridge» سەرۆيستەر ۆيتريناسىندا ورنالاستىرىلعان. سەرۆيس مەملەكەتتىك قىزمەتتەردى كورسەتۋگە ارنالعان بارلىق ينتەگراسيالىق پلاتفورمالاردا، ونىڭ ىشىندە ەكىنشى دەڭگەيلى بانكتەردىڭ ءموبيلدى قوسىمشالارىندا دا قولجەتىمدى. سونىمەن قاتار ازاماتتارعا ىڭعايلى بولۋ ءۇشىن اقپاراتتاندىرۋ سالاسىنداعى ۋاكىلەتتى ورگان وسى قىزمەتتى ەGov.kz ەلەكتروندىق ۇكىمەت پورتالىنداعى جەكە كابينەتتەرگە شىعارۋ ماسەلەسىن پىسىقتاپ جاتىر. وتكەن جىلدارداعى تالداۋ كورسەتكەندەي، بۇل جىل سايىن 20 مىڭنان استام ازاماتقا ءموبيلدى قوسىمشالار ارقىلى، حقكو-عا بارماي-اق، اۆتوكولىكتەردى تىركەۋ كەزىندە ونلاين-رەجيمدە «ەرەكشە» نومىرلەردى تاڭداۋعا جانە برونداۋعا مۇمكىندىك بەرەدى. ءىىم مەملەكەتتىك قىزمەتتەردى كورسەتۋ ساپاسىن ارتتىرۋ جانە پروسەستەردىڭ اشىقتىعىن قامتاماسىز ەتۋ بويىنشا جۇمىستى جالعاستىرۋدا.