«TikTok» جەلىسىندە قۇمار ويىندار تاراتىلۋدا.
بۇل ارەكەتتەر زاڭسىز دەپ سانالادى دەپ حابارلايدى Almaty-akshamy.kz.
ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنىڭ حابارلاۋىنشا، نەگىزىنەن بۇل كارتا ويىنى، سۇيەك لاقتىرۋ جانە ونلاين رۋلەتكا. بارلىق جەردە پرينسيپ بىردەي. ءباس تىگۋگە شاقىرادى. ونىڭ تورتتەن ءبىرى ۇيىمداستىرۋشىدا قالادى، قالعانىن جەڭىمپاز الادى. ءباس تىگۋلەردى قابىلداۋ جانە ۇتىستاردى بەرۋ بانكتىك ونلاين اۋدارىمدار ارقىلى جۇزەگە اسىرىلادى.
«جەلىلىك تالداۋ ناتيجەسىندە ءبىز ونلاين ويىندى تاراتاتىن 100-دەن استام اككاۋنت انىقتادىق. وسى جەردە ۇيىمداستىرۋشىلار مەن قاتىسۋشىلارعا بۇل ارەكەتتىڭ زاڭسىز ەكەنىن ەسكەرتەمىز. ق ر قىلمىستىق كودەكسىنىڭ 307-بابىندا زاڭسىز ويىن بيزنەسىن ۇيىمداستىرعانى ءۇشىن جاۋاپكەرشىلىك قاراستىرىلعان. ءقازىردىڭ وزىندە سوتتالعاندار بار.
ماسەلەن، «TikTok» جەلىسىندە قۇمار ويىن ۇيىمداستىرعان الماتى قالاسىنىڭ 2 تۇرعىنى 4 ايدا 13 ملن تەڭگەگە جۋىق تابىس تاپقان. تەرگەۋ قورىتىندىسى بويىنشا ولاردىڭ 1،5 جىلعا باس بوستاندىعى شەكتەلدى.
سونىمەن قاتار، قازىرگى ۋاقىتتا سوت «TikTok» جەلىسىندە ۇقساس مازمۇنداعى كونتەنت ءۇشىن 4 ۇيىمداستىرۋشىعا قاتىستى ءىس قارالۋدا.
قۇرمەتتى ازاماتتار، وسىنداي قۇمار ويىندارعا ارالاسپاۋلارىڭىزدى سۇرايمىز. بۇل زاڭعا قايشى. سونداي-اق، اتا-انالاردان بالاڭىزدىڭ مىنەز-قۇلقىنا، ونىڭ كورەتىن كونتەنتىنە جانە ونىڭ ونلاين ساۋداسىنا نازار اۋدارۋىن سۇرايمىز»، - دەلىنگەن حابارلامادا.